Тошкент шаҳар ички ишлар бош бошқармасининг архивида сақланаётган ички ишлар органлари фаолияти билан боғлиқ турли йилларда олинган суратларни “Дарё” жамлади.
Тошкент кўчаларида 1966 йил бошларида овозкучайтиргичлар билан жиҳозланган автоуловлар пайдо бўлди. Улар энг гавжум кўчаларда ҳаракатланиб, қоидабузарларни, айниқса, пиёдаларни огоҳлантирган.
Автомобиль экипажи ДАН инспектори ва жамоат фаоли – автокорхона йўл ҳаракати хавфсизлиги муҳандисидан иборат эди. Бу пайтда Тошкентда ана шундай еттита транспорт воситаси фаолият юритган.
