Toshkent shahar ichki ishlar bosh boshqarmasining arxivida saqlanayotgan ichki ishlar organlari faoliyati bilan bog‘liq turli yillarda olingan suratlarni “Daryo” jamladi.
Toshkent ko‘chalarida 1966-yil boshlarida ovozkuchaytirgichlar bilan jihozlangan avtoulovlar paydo bo‘ldi. Ular eng gavjum ko‘chalarda harakatlanib, qoidabuzarlarni, ayniqsa, piyodalarni ogohlantirgan.
Avtomobil ekipaji DAN inspektori va jamoat faoli – avtokorxona yo‘l harakati xavfsizligi muhandisidan iborat edi. Bu paytda Toshkentda ana shunday yettita transport vositasi faoliyat yuritgan.
