Самарқандда Шавкат Мирзиёев ва давлат ташрифи билан Ўзбекистонда бўлиб турган Қатар амири шайх Тамим ибн Ҳамад ал-Сонийнинг музокаралари бўлиб ўтганди. Президент матбуот хизматининг маълум қилишича, музокаралар якунида савдо-иқтисодий, инвестициявий, маданий-гуманитар ва бошқа соҳалардаги ҳамкорликни ривожлантиришга қаратилган 15 та ҳужжат имзоланди.

Ўзбекистон ва Қатар ўртасида жумладан, қуйидагилар қабул қилинди:

• Инвестицияларни ўзаро рағбатлантириш ва ҳимоя қилиш тўғрисида ҳукуматлараро битим;
• Икки томонлама солиққа тортишнинг олдини олиш ҳамда даромад ва мулк солиқларини тўлашдан бош тортишни бартараф қилиш тўғрисида ҳукуматлараро битим;
• Божхона ишларида ўзаро кўмак кўрсатиш тўғрисида ҳукуматлараро битим;
• Меҳнат муносабатлари соҳасида ҳамкорлик тўғрисида ҳукуматлараро битим;
• Дипломатик паспорт эгаларини виза талабларидан озод этиш тўғрисида ҳукуматлараро битим;
• Олий таълим ва илмий тадқиқотлар соҳасида ҳамкорлик тўғрисида ҳукуматлараро меморандум;
• Маданият соҳасида ҳамкорлик тўғрисида ҳукуматлараро меморандум;
• Савдо соҳасида ҳамкорлик тўғрисида меморандум;
• Қишлоқ хўжалиги ва озиқ-овқат соҳасида ҳамкорлик тўғрисида меморандум;
• Ўсимликлар карантини ва ҳимояси соҳасида ҳамкорлик тўғрисида меморандум;
• Спорт ва ёшлар ишлари соҳасида ҳамкорлик тўғрисида меморандум;
• Тошкент ва Доха шаҳарлари ўртасида ҳамкорлик тўғрисида меморандум.
  
  

Ҳужжатлар имзоланиш жараёни