Гипертоник беморлар учун тақиқ: юқори қон босими эгалари қандай овқатларни истеъмол қилиши мумкин эмас?

Юқори қон босими билан яшаш ва бу юрак касаллиги ёки инсултга олиб келишидан қўрқмаслик учун диетангизни кузатиб боришингиз, гипертония билан мос келмайдиган овқатларни чиқариб ташлашингиз зарур.

“Инсон қон босимини тартибга солиш мумкин”, — дейди терапевт Екатерина Майорова. “Бунинг учун турмуш тарзини ўзгартириш керак — жисмоний фаолликни қўшинг, вазн йўқотинг, зарарли одатлардан воз кечинг”.

Шифокор қон босими юқори бўлган одамлар ўз диетасида имкон қадар камайтириши керак бўлган бешта озиқ-овқат гуруҳини ажратиб кўрсатди ёки ундан ҳам яхшироғи — уларни бутунлай истеъмол қилмаслик кераклигини тавсия қилди.

• Ёғли гўшт, балиқ булёнлари, дудланган гўшт ва маргариндан воз кечиш.
• Спиртли ичимликлар гипертоникларнинг асосий душманларидан биридир.
• Тузнинг организмдаги сувни ушлаб туриш қобилияти борлиги сабабли бу босимнинг ошишига олиб келади, унинг истеъмоли кунига уч-беш граммдан ошмаслиги керак.
• Қовурилган ва аччиқ овқат тезда катта зарар келтиради.
• Барча ширинликлар килограмм ортишига олиб келади, бу эса гипертоник беморлар учун умуман керак эмас.

Бундан ташқари, аччиқ қаҳва, чой, какао, анор шарбати, шоколад, турп, ўрик, туршак ёки бошқа қуритилган мевалар, асал босимни ошириши маълум.

Гипертония билан хавф-хатарга дуч келмаслик керак, шунинг учун фастфудлар, тайёр соуслар ва ширин газланган ичимликлардан воз кечиш яхшироқдир.

Зираворлар нуқтаи назаридан, хантал, қалампир, зарчава, кардамон, долчин, занжабил қон босимини оширишини ёдда тутиш керак.