Шавкат Мирзиёев Чилонзордаги маданият ва истироҳат боғида бўлди

Шавкат Мирзиёев Тошкент шаҳридаги Ғафур Ғулом номидаги маданият ва истироҳат боғида бўлди.

Бу маскан 2019 йилда хорижий компанияга ижарага берилган эди. Ўтган вақтда 12 миллион долларлик қурилиш-таъмирлаш ишлари амалга оширилиб, шароитлар яхшиланди. 43 та янги аттракцион ўрнатилиб, уч юздан зиёд иш ўрни яратилди.

Илгари боғга кунига 30 минг атрофида меҳмон келган бўлса, реконструкциядан сўнг ўртача 60 минг киши ташриф буюрмоқда. Давлат раҳбари боғ бўйлаб юриб, одамлар билан суҳбатлашди. Болаларга меҳр кўрсатиб, эзгу тилаклар билдирди.