Хитой ва Россия ўртасидаги ҳамкорлик учинчи томонларга қарши қаратилмаган ва ҳеч қандай учинчи томондан бу “тўхтатилиши ёки мажбурланиши” мумкин эмас. Бу ҳақда Хитой Ташқи ишлар вазирлиги матбуот котиби Мао Нинг маълум қилди.
“Хитой Россия ва дунёнинг бошқа давлатлари билан нормал иқтисодий ва савдо ҳамкорлигига эга. Бизнинг ҳамкорлигимиз тенглик ва ўзаро манфаатларга асосланган. Халқаро ҳуқуқ ёки БМТ Хавфсизлик Кенгаши мандатига асосланмаган бир томонлама санкциялар ва узоқ муддатли юрисдикцияга қаршимиз.
Хитой-Россия ҳамкорлиги ҳеч қандай учинчи томонга қаратилмаган ва ҳеч қандай учинчи томон орқали бу тўхтатилмайди ёки мажбурланмайди”, — деди Мао Нинг.
Шунингдек, у Хитой компанияларининг қонуний ҳуқуқлари ва манфаатларини ҳимоя қилиш учун барча зарур чоралар кўрилишини айтди.
Хитой ТИВ баёноти сабаби
“Еттилик гуруҳи” (G7) давлатлари етакчилари Хитойни Россияга ҳарбий агрессияни тўхтатиш ва Украинадан қўшинларини олиб чиқиб кетиш учун босим ўтказишга чақирганди.
Ғарб давлатларидан фарқли ўлароқ, Хитой 2022 йил февралида Россиянинг Украинага бостириб кириши сабабли Москвага нисбатан санкциялар киритмаган. Бироқ у ўзини тинчликка эришиш учун воситачи сифатида кўрсатишга ҳаракат қилди.
Февраль ойи охирида Пекин ўзининг “Украина инқирозини сиёсий йўл билан ҳал қилиш бўйича позицияси”ни эълон қилди, у “барча мамлакатлар суверенитетини ҳурмат қилиш”, “совуқ уруш менталитетидан воз кечиш” ва “ҳарбий ҳаракатларни тўхтатиш”ни таклиф қиладиган 12 банддан иборат режани ўз ичига олади.
Россиянинг Украинага қарши урушини тўхтатиш бўйича Хитой таклиф қилган “тинчлик режаси”ни шарҳлар экан, президент Владимир Зеленский ҳужжат резолюция ёки декларация эмас, фақат фикрлар бўлиб, баъзилари тушунарсиз эканини айтди.
Зеленский ва Хитой раҳбари Си Цзиньпин яқинда телефон орқали суҳбатлашди. Музокаралардан сўнг Хитой Украина ва Россия ўртасида воситачи ролини ўйнаши мумкинлигини таклиф қилди.
Изоҳ (0)