Молдова Халқаро жиноий суд қарорини бажаради ва Россия президенти Владимир Путин мамлакатга келса, уни ҳибсга олади. Бу ҳақда Молдова президенти Майя Сандуга таяниб, “Европейская правда” хабар берди.
Сиёсатчи Euronews Romania телеканалига берган интервьюсида бу ҳақда гапирган. Санду агар Путин Молдовага келса, Халқаро жиноий суд қарори билан ҳибсга олинадими, деган саволга жавоб берган.
“Ҳа. Молдова республикаси жиноий суд бўйича келишувни имзолади ва Молдова суд қарорини ҳурмат қилади”, — деб қисқа жавоб берди Санду.
Халқаро жиноят суди украиналик болаларнинг ноқонуний депортацияси билан боғлиқ ҳолда Путинни ҳибсга олишга ордер берган. Бунга жавобан Россия сиртдан айблов эълон қилган ва прокурор ҳамда Халқаро жиноий суд судьясини қидирувга берган.
Европа Иттифоқи Россиянинг Путиннинг ҳибсга олинишини истаган Халқаро жиноий судга қарши ҳаракатларини қоралаган.
Путинни ҳибсга олиш ордери
Нидерландиядаги Халқаро жиноят суди (ХЖС) геноцид, уруш жиноятлари, инсониятга қарши жиноятлар ва босқинчилик жиноятлари учун жавобгар шахсларни жавобгарликка тортиш билан шуғулланади. ХЖС 17 март Россия президенти Владимир Путинни ҳибсга олишга ордер берди.
Халқаро жиноят судининг ҳибсга олиш ҳақидаги ордери Путиннинг ҳаракатланиш эркинлигини расман чеклайди. ХЖСга аъзо бўлган ва унинг юрисдикциясини қабул қилган 123 та давлат Владимир Путин уларнинг ҳудудига кириши биланоқ уни ҳибсга олиши талаб қилинади. Бундай давлатлар қуйидаги хаританинг яшил рангида кўрсатилган:
Халқаро жиноий судда сиртдан суд жараёни амалга ошириш мумкин эмас: судланувчига фақат экстрадиция қилинган тақдирдагина ҳукм чиқарилиши мумкин. Яъни Путиннинг иши судда кўриб чиқилиши учун у шахсан Гаагада бўлиши керак.
Германия Путин мамлакатга келса, ҳибсга олишини билдирган
Германия адлия вазири Марко Бушман Россия президенти мамлакатга келса, маҳаллий ҳокимият уни ҳибсга олиб, Халқаро жиноий суд вакилларига топширишини билдирган.
“Халқаро жиноят суди (ХЖС) тезкорлик билан Интерпол билан боғланади ва ижрони талаб қилади. Шундан сўнг Германия Путинни ҳибсга олишга ва Германия ҳудудига кирса, уни ХЖСга топширишга мажбур бўлади”, — деган Бушманн.
Австрия Путинни ҳибсга олишга тайёрлигини маълум қилди
Австрия Халқаро жиноий суд қарорини бажаришини ва Россия президенти Владимир Путин мамлакатга келса, уни ҳибсга олишини билдирди. Мамлакатнинг Европа Иттифоқи ва Конституция масалалари бўйича вазири Каролина Эдцҳтадлер бу ҳақда маълумот берган.
У Халқаро жиноий суд томонидан ҳибсга олиш тўғрисидаги буйруқ эълон қилиниши ва чиқиши Путин “Австрия тупроғига қадам қўйган бўлса, уни ҳибсга олиш керак” деган маънони англатишини таъкидлаган.
Арманистон Путинни ҳибсга олишни режалаштирмаяпти
Арманистон Путин мамлакатга ташриф буюрса, уни Халқаро жиноий судга топширишни режалаштирмаяпти. Арманистон парламенти вице-спикери Акоп Аршакян бу бўйича маълумот берган.
“Арманистон Конституциявий суднинг қарори ҳеч кимни ҳеч қандай масалада айбдор деб ҳисобламайди ва ҳеч кимни ҳибсга олиш чораларини талаб қилмайди”, — деган у.
Изоҳ (0)