Диетологларнинг барчаси метаболизмни қандай тезлаштиришни билмаганларга ҳар қандай ҳолатда ҳам нонуштани ўтказиб юбормасликни маслаҳат беради. Метаболизм соат каби ишлаши, олинган барча калориялар энергияга айланиши ва организмда тўпланган ёғ аста-секин сарфланиши учун куннинг биринчи таоми қониқарли бўлиши керак ва уни кечиктирмасдан истеъмол қилиш муҳимдир. Одатда, уйғонгандан кейинги бир соат ичида. Аммо янада кучли натижаларга эришмоқчи бўлсангиз, “Новий очаг” нашри нонушта учун маълум озиқ-овқатларни истеъмол қилишингизни тавсия қилади.
Резавор ва ёнғоқли овсянка бўтқаси
Бу вазн йўқотишда нонушта учун керак бўлган барча озиқ моддаларни ўз ичига олади. Сули ёрмаси секин ҳазм бўлувчи углеводлар бўлиб, улар сизни узоқ вақт давомида тўқ тутади. Ёнғоқда протеин кўп бўлиб, уларни қайта ишлаш учун организм кўпроқ энергия сарфлаши керак ва бунга кўпроқ калория сарфланади.
Помидор ва пиёз билан қовурилган тухум
Тухум — бу нонушта учун яратилган яна бир маҳсулот. Протеиннинг юқори миқдори организмни тўйинтиради, метаболизмни тезлаштиради, паст калория миқдори эса қоматни сақлашга ёрдам беради. Яқинда ўтказилган мета-тадқиқот натижалари тухум истеъмол қилиш юрак ва қон томирлар учун хавфсиз эканини тасдиқлади. Шифокорлар тухум, янги помидор ва пиёзни бирлаштирган нонуштани юрак-қон томир тизими учун энг фойдали нонушта сифатида баҳолаган.
Мевали грек йогурти
Агар вазнингиз ҳақида жиддий хавотирда бўлсангиз,
юқори ёғли сут маҳсулотларисиз қилолмайсиз. Организмнинг нормал ишлаши учун моно тўйинмаган ёғлар керак ва сут ёғи энг яхши вариантлардан биридир. Юнон йогурти — бу метаболизмни кучайтириш учун ажойиб нонушта, чунки унда жуда кўп соғлом ёғлар ва оқсиллар мавжуд. Қизил ва қора рангли резаворлар, ҳатто музлатилган ҳолда ҳам ёғни сарфлаш жараёнини тезлаштирадиган кўплаб махсус антиоксидантларни сақлайди.
Авокадо
Бу нонушта эрталаб шошиб уйдан чиқиб кетишга мажбур бўладиганлар ва тўлиқ нонушта тайёрлашга вақтлари бўлмаганлар учун ажойиб муқобилдир. Авокадони ўзингиз билан олиб кетишингиз ва исталган бўш вақтда тановул қилишингиз мумкин. Айтганча, бундай “ПП” нонушта айниқса қиш мавсумида ниҳоятда фойдали: бу мевадаги омега-3 ёғлари теримизга қишки қуруқлик ва совуқни енгишга ёрдам беради.
Кўк чой ва лимонли сув
Ҳа рост, бу нонушта эмас — лекин бу ичимликлар ҳар куни эрталаб ичишга арзийди. Бир бўлак лимон ёки лимон шарбати қўшилган бир стакан сувни уйғонгандан сўнг дарҳол ичиш керак: бу билан сиз тун бўйи организмда йўқотилган намликни тиклайсиз, шунингдек метаболизмни тезлаштирасиз. Кўк чойни овқатдан сўнг ичган маъқул – унинг таркибидаги антиоксидантлар организмга ёғларни тезроқ сарфлашга ёрдам беради
Изоҳ (0)