Саломатликни сақлаш учун етарли миқдорда витамин ва минералларни истеъмол қилиш кераклигини барчамиз биламиз, аммо бу қийинроқ, чунки биз ҳар доим ҳам турли хил озиқ-овқатларни истеъмол қила олмаймиз.
D витамини кучли иммунитет, соғлом суяклар, тишлар ва тери учун муҳимдир. У қуёш нури таъсирида организмда ишлаб чиқарилади. Аммо бунинг учун очиқ ҳавода бўлиш керак, нурлар ойналардан ўтмайди. Қўшимчалар ҳам ёрдам беради, лекин шунга қарамай D витамини ўз ичига олган бир нечта озиқ-овқатлар мавжуд. Marie Claire нашри “қуёшли витамин” даражасини тўлдиришнинг турли усулларини баҳам кўради.
Қайси озиқ-овқатлар D витаминига бой?
D витамини ўз ичига олган озиқ-овқатлар кам, шунинг учун уни фақат озиқ-овқат билан тўлдириш қийин. Аммо озиқ-овқат қўшимча витамин манбаи бўлиши мумкин, диетангизга қуйидаги овқатларни киритишингизни тавсия қиламиз:
Балиқ
Консерваланган сардиня, тунес, селд ва треска D витаминига бой. Умуман олганда, деярли ҳар қандай ёғли балиқда бу витамин учрайди. У салатларга қўшилиши ва гарнирга қўшимча сифатида хизмат қилиши мумкин. Бундан ташқари, балиқ ёғи таркибида Омега-3 кислоталари мавжуд бўлиб, улар ҳам иммунитет тизимини мустаҳкамлайди ва А витамини кўриш қобилиятини яхшилайди.
Тухум
Товуқ тухумлари ниҳоятда тўйимли, шунингдек, фойдали ҳамдир. Баъзилар оқсилларни сариғига қараганда анча фойдали деб ўйлашади лекин бу нотўғри. Бир дона тухум сариғи D витамини кунлик эҳтиёжининг тахминан 5 фоизини ўз ичига олади, шунинг учун уларни ҳафтада бир неча марта меъёрида истеъмол қилиш тавсия этилади.
Қўзиқоринлар
Қўзиқоринларда витамин ултрабинафша нурланиш таъсирида ишлаб чиқарилади. Бундан ташқари, улар таркибида D2 витамини, балиқ ва тухумларда эса D3 витамини мавжуд. Лекин дўконлардан маҳсулотни ишлаб чиқаришда соя ва қоронғи жойларда ўстирилган навлари сотилади, шунинг учун фойда, асосан, табиий шароитда ўстирилган қўзиқоринлардан олиниши мумкин.
Яна қандай усуллар мавжуд?
D витаминини тўлдиришнинг ажойиб усули қуёшли кунларда ташқарида сайр қилишдир. Муқобил вақт — март ойининг охиридан сентябрь ойигача туш пайтига қадар, аммо баъзи камчиликлар ҳам мавжуд. Қуёш нурини “сингдириш” учун тананинг баъзи қисмларини очиқ қолдириш ва ҳақиқатан ҳам узоқ вақт ташқарида бўлиш муҳимдир. Йигирма дақиқалик юриш етарли бўлмайди. Қуёшда кўп вақт ўтказиш ҳамма учун қулай эмас. Терингиз сезгир бўлса, куйиши мумкин. Шунинг учун уйдан чиқишдан олдин қуёшдан ҳимоя қилувчи кремни қўллаганингизга ишонч ҳосил қилинг.
Сайр қилиш учун вақт бўлмаса ёки куз-қиш мавсумида, тегишли парҳез қўшимчасини топишга ҳаракат қилинг. Фармацевтика брендларининг сони ва дори чиқариш шакллари хилма-хил. Аммо D витамини деярли ҳамма учун мос келади ва капсула, таблетка ва сироп кўринишида ишлаб чиқарилади. Ўзингизга маъқул вариантни танланг. Бундан ташқари, балиқ ёғига эътибор беринг унда ҳам D витамини бор. Лекин ҳар доим препарат қадоғидаги кўрсатмаларни диққат билан ўқинг. 18 ёшдан 50 ёшгача бўлган эркаклар ва аёллар учун кунлик норма 600–800 IU ни ташкил қилади. Агар препаратнинг дозаси юқорироқ бўлса, мутахассисга мурожаат қилиш тавсия этилади.
Изоҳ (0)