Самарқанд шаҳрида 16 май куни мактаб ўқувчиси бошқарувидаги машина 52 ёшли фуқарони уриб юборди. Вилоят ЙҲХБ ахборот хизмати ҳолат юзасидан маълумот берди.
Маълум бўлишича, шу куни соат 21:30 да 2007 йилда туғилган мактаб ўқувчиси отасининг машинасини ҳайдаб чиқиб, автомобиль йўлида 1971 йилда туғилган фуқарони уриб юбориб, транспорт ҳодисаси содир этган.
Йўл транспорт ҳодисаси оқибатида фуқаро тан жароҳатлари олиб Республика шошилинч тиббий ёрдам илмий марказ Самарқанд филиалига даволаниш учун ётқизилган.
Мазкур ҳолат юзасидан Самарқанд шаҳри бўйича ички ишлар органи фаолиятини мувофиқлаштириш бўлими йўл ҳаракати хавфсизлиги бўлими томонидан дастлабки суриштирув ишлари олиб борилмоқда.
Изоҳ (0)