Европа тикланиш ва тараққиёт банки Қорақалпоғистонда 100 МВт қувватга эга шамол электр станцияси қурилишини молиялаштириш учун АCWA Power Wind Karatau корхонасига 19,3 миллион АҚШ доллари миқдорида кредит ажратади.
Ўзбекистоннинг қайта тикланадиган энергия салоҳиятини ривожлантиришни қўллаб-қувватламоқда. Лойиҳани молиялаштиришда, шунингдек, Германиянинг Deutsche Investitions und Entwicklungsgesellschaft тараққиёт молия институти ва Франциянинг Société de Promotion et de Participation pour la Cooperation Economique тараққиёт молия институти иштирок этади.
Банкнинг баёнотида қайд этилишича, Ўзбекистоннинг энергетика сектори мамлакат иқтисодий ўсишининг асосий омили ҳисобланади, бироқ у инфратузилманинг эскиришидан азият чекмоқда. Бу эса таъминотдаги номутаносиблик ва вақти-вақти билан блекоутларга олиб келиши айтилган.
“Биз узоқ йиллик мижозимиз бўлган АCWА Power компаниясини ва Ўзбекистоннинг Қорақалпоғистон Республикасидаги 100 МВт қувватга эга шамол электр станцияси қурилишини қўллаб-қувватлаганимиздан фахрланамиз. Орол денгизи минтақаси шамол ва қуёш ресурсларидан фойдаланган ҳолда ўз иқтисодиётини ёшартирмоқда.
Бу ЕТТБ кимошди савдоси бўйича маслаҳат дастури доирасидаги биринчи лойиҳа бўлиб, 2GВт шамол энергиясини рақобатбардош савдолар орқали етказиб беришга ёрдам беради. Лойиҳа шамол энергияси учун рекорд даражадаги паст нархни ўрнатади ва йилига 178 минг тоннадан ортиқ CO2 эмиссиясини тежаш имконини беради”, — деди ЕТТБ Барқарор инфратузилма гуруҳи бошқарувчи директори Нандита Паршад.
ЕТТБ ҳозиргача Ўзбекистонда 2700 МВт қайта тикланадиган энергия қувватини молиялаштирди. Банк 2000 МВт шамол энергиясини рақобатбардош савдолар орқали етказиб бериш дастури бўйича расмийлар билан ҳамкорлик қилган.
Маълумот ўрнида, ACWA Power Wind Karatau FE LLC Саудия Арабистонида рўйхатга олинган АCWА Power Company компаниясига тегишли. Корхона Ўзбекистонда рўйхатга олинган ва ЕТТБнинг амалдаги мижози бўлган масъулияти чекланган жамият ҳисобланади.
Изоҳ (0)