Статистикага кўра, агар кўчмас мулк учун талаб ва таклиф сони барқарор ўсиб борса, нархлар ноаниқлигича қолаверади. Олх томонидан “Дарё”га маълум қилинишича, уй-жой ижараси бўйича сўровларда пойтахт барча кўрсаткичлар бўйича етакчи ўринни эгаллаб турибди.
Прогнозлаш ва макроиқтисодий тадқиқотлар институти (ИПМИ) экспертлари хулосасига кўра, 2022 йил октябрь ойида Тошкентда квартира ижараси нархларининг ўсиши энг юқори чўққига чиққан ва пасайишни бошлаган. “Оlx.uz” сайтидаги эълонлар таҳлилига кўра, ўша пайтда, ўртача таъмирланган квартираларнинг ўртача ижара нархи 526 доллар атрофида бўлган. Шу йилнинг март ойида эса ўртача ижара нархи 411 долларни ташкил этган.
Тошкент шаҳрида жорий йилнинг январь-апрель ойларида вақтинчалик уй-жойга бўлган истеъмол талабини 2022 йилнинг шу даври билан солиштирадиган бўлсак, ўзгаришлар яққол кўзга ташланади. Квартира ижарага олишнинг ўртача ойлик нархи тахминан 370 долларни ва уй (дача, котеж) — 590 долларни ташкил этади, ўтган йили бу кўрсаткич мос равишда 350-570 долларни ташкил этган.
Мамлакат бўйлаб ижарага бериладиган уй-жойларнинг умумий статистикасига назар солсак, унда, талаб, таклиф ва нархларнинг аниқ ўзгаришини кўриш мумкин. Шунингдек, жорий йилнинг январь-апрель ойларида Олх сайтида 135 000 га яқин турар-жой биноларини ижарага бериш бўйича (оддий хонадан пентхаусгача) эълонлар берилган. Ўтган йилларнинг шу даврига нисбатан бу кўрсаткич анча паст: 2022 йилда 96 мингдан, 2021 йилда эса 84 мингдан ортиқ жойлаштирилган. Ушбу давр мобайнида квартираларнинг ойлик ижараси учун ўртача нарх тахминан: жорий йил учун 350-570 доллар, ўтган йили 320-550 доллар, 2021 йил учун эса 300-500 долларни ташкил этган.
Ўзбекистонга ташриф буюрувчилар ва истиқомат қилувчилар сони бўйича пойтахт ҳали ҳануз биринчи ўринни эгаллаб келмоқда. “Оlx.uz” сайтида ўтган йилнинг январь-апрель ойларидан жорий йилнинг шу даврига нисбатан қидирув сўровлари қарийб 7 баробар ошган. Бу йилги давр учун минимал ва максимал ставкалар кунлик ижара учун мос равишда тахминан 30 ва 590 долларни ташкил этган бўлса, 2022 йилда бу нархлар 20 дан 450 долларгача бўлган.
Шунингдек, бугунги кунда замонавий ва кўп функцияли турар-жой мажмуаларининг пойтахтда фаол бунёд этилиши уни янги биноларни сотиб олиш ва ижарага беришда биринчи ўринга олиб чиқмоқда. Тошкентда релокантлар кўпаяётганлиги туфайли риелторлар бўш уй-жойлар ҳақида кўпроқ эълон бермоқдалар, бу эса эълонлар кўпайишига яна бир сабаб бўлмоқда.
Таҳлил учун маълумотлар “Оlx.uz” сайтидан “Парсинг” методи асосида олинди. Жорий йилнинг юқорида қайд этилган даврлари ҳамда ўтган 2022—2021 йиллар учун жами 537 мингдан ортиқ сараланган эълонлар таҳлил қилинди.
Изоҳ (0)