Украина президенти Telegram’да Италияга келганини маълум қилди. Унга кўра, Италияга ташриф давомида бош вазир Жоржия Мелони, Рим папаси Франциск ва Италия президенти Сержио Маттарелла билан учрашувлар режалаштирилган.
Италия Украинага ҳарбий ёрдам беради, жумладан, Франция билан биргаликда SAМP/T ҳаво мудофаа тизимларини етказиб беради.
Италия бош вазири Жоржия Мелони Киевга шу йилнинг февраль ойи охирида келганди, Украина бош вазири Денис Шмигал эса апрель ойи охирида Италияга ташриф буюрган.
Ўша ойда Рим папаси Франциск Украинада оммавий бўлмаган тинчлик миссияси бўлиб ўтаётганини айтди, аммо тафсилотларни айтмади. Украина ва Россия бу миссия ҳақида ҳеч нарса билмаслигини маълум қилганди.
Изоҳ (0)