Жо Байден маъмурияти Тайван учун 500 миллион долларлик қурол-яроғ пакетини тайёрламоқда, дея хабар берди Bloomberg манбалари.
Хитой ўз ҳудуди деб даъво қилаётган орол давлатга айнан қандай қуроллар юборилиши ҳозирча маълум эмас.
Bloomberg маълумотларига кўра, АҚШ президентининг кўрсатмаси билан “қурол ёки ёрдамчи ускуналар” аллақачон мавжуд бўлган АҚШ захираларидан ажратилади. 2022 йил декабрь ойида қабул қилинган мудофаа бюджети АҚШ президентининг Тайванга 1 миллиард долларгача ҳарбий ёрдамни мавжуд захиралар ҳисобидан тезлаштирилган тарзда етказишга имкон беради.
Тайван ва АҚШ ўртасидаги ўзаро ҳамкорлик шароитида Хитой сўнгги ойларда мунтазам равишда Тайван яқинида йирик ҳарбий машғулотлар ўтказди. 2022 йил сентябрида Жо Байден АҚШ армияси Тайванни Хитой ҳужумидан ҳимоя қилишда иштирок этишига ваъда берди. Америка разведкаси Хитой оролни назорат қилиш учун ҳарбий сценарий тайёрламоқда, деб ҳисоблайди.
Изоҳ (0)