Ўзбекистон Республикаси Президенти Шавкат Мирзиёевнинг Германия Федератив Республикасига ташрифи доирасида Олмалиқ кон-металлургия комбинати раҳбарияти ҳамда Европанинг йирик компаниялари вакиллари ўртасида бир қатор музокаралар ўтказилди.
Ўзаро манфаатли ҳамкорлик учрашувлари доирасида ОКМК ва жаҳоннинг йирик KFW ИПЕХ банки ўртасида Марказий Осиёда муқобили бўлмаган Янги Мис эритиш заводини молиялаштириш бўйича келишувга эришилди.
Шунингдек, Фалк-Porsche-Течник ГмбҲ компанияси билан 50 минг тонна мис катанкаси ишлаб чиқариш бўйича келишув шартномаси имзоланди. Унинг доирасида 100дан ошиқ иш ўринлари яратилиб, 450 млн доллардан ортиқ экспортбоп маҳсулотлар ишлаб чиқарилади.
Янги барпо этилаётган Мис эритиш заводи учун ушбу компания билан полимербетон ванналар ишлаб чиқаришни ташкил этиш бўйича келишув шартномаси ҳам имзоланиб, йилига 24 млн долларлик маҳсулот тайёрланади.
Ташриф давомида юқори волтли электр двигателлари ва генераторлар ишлаб чиқарадиган MEНЗЕЛ компанияси билан қўшма корхона, электр двигателлар ишлаб чиқариш бўйича трансфер заводи ва сервис маркази ташкил этиш келишилди. Янги ишлаб чиқариш қувватларининг дастлабки қиймати 15 млн еврога баҳоланмоқда.
Шунингдек, янги қурилаётган “Ёшлик-1” конини композит ва шишатолали маҳсулотларга бўлган эҳтиёжини қондириш мақсадида Фиберпипе компанияси билан қўшма ишлаб чиқариш қувватини ташкил этиш бўйича келишув шартномаси имзоланди.
ОКМК ва Европанинг йирик компанияларидан бири бўлган ГП Гüнтер Папенбург АГ ўртасида мутахассисларни тайёрлаш ва малакасини ошириш бўйича доимий ишларни ташкил этиш мақсадида комбинатнинг техник мутахассисларини Европа мамлакатлари таълим муассасаларида тайёрлаш бўйича ҳам келишувга эришилди.
Яна бир эътиборли жиҳати – ташриф доирасида ОКМК ва АБМ (Анлагенбау унд Масчинентечник ГмбҲ) компанияси ўртасида йиллик товар айланмаси 15 млн евро бўлган қўшма корхона ташкил этилди.
Ташриф давомида эришилган асосий келишувлардан бири – бу дунёдаги энг йирик металлургия компанияси саналган Аурубис АГ билан ОКМКнинг мис маҳсулотларини етказиб бериш бўйича шартнома имзоланганини алоҳида қайд этиш жоиз.
Шуни алоҳида таъкидлаш жоизки, мамлакатимизда олиб борилаётган очиқлик ва ҳамкорликни ривожлантириш сиёсати туфайли ушбу ташриф давомида ОКМК ва Европа компаниялари ўртасида қиймати 1450,2 миллион евродан зиёд ҳужжатлар тўплами имзоланди.
Реклама ҳуқуқи асосида.
Изоҳ (0)