АҚШга ёпирилган кучли торнадо машиналарни ағдариб, дарахтларни илдизи билан қўпорди (видео)

АҚШнинг Флорида штати жанубига 29 апрель куни кучли торнадо ёпирилди. Бу ҳақда The New York Times хабар берди.

Шиддатли торнадо автомобилларни ағдариб юборган, дарахтларни илдизи билан бирга қўпориб, уйларга зарар етказган. Шамол тезлиги соатига 161 километрга етган. АҚШ метереология хизмати торнадо Палм-Бич Гарденс шаҳрига жиддий зарар етказганини хабар қилган.

Мутахассислар зарарни ўрганишда давом этмоқда ва яқин кунларда торнадо оқибатларини баҳолайди. Флорида ва жанубий Жоржияда 12 миллионга яқин одам об-ҳавонинг ёмонлашуви сабабли 2-даражали хавф остида қолган. Торнадо туфайли бир неча километр узунликдаги тирбандликлар юзага келди.

Штат жанубида, шу жумладан Майамида бўрон ҳақида огоҳлантириш давом этмоқда. Жабрланганлар ва қурбонлар ҳақида маълумот берилмаган.