AQSHga yopirilgan kuchli tornado mashinalarni ag‘darib, daraxtlarni ildizi bilan qo‘pordi (video)

AQSHning Florida shtati janubiga 29-aprel kuni kuchli tornado yopirildi. Bu haqda The New York Times xabar berdi.

Shiddatli tornado avtomobillarni ag‘darib yuborgan, daraxtlarni ildizi bilan birga qo‘porib, uylarga zarar yetkazgan. Shamol tezligi soatiga 161 kilometrga yetgan. AQSH metereologiya xizmati tornado Palm-Bich Gardens shahriga jiddiy zarar yetkazganini xabar qilgan.

Mutaxassislar zararni o‘rganishda davom etmoqda va yaqin kunlarda tornado oqibatlarini baholaydi. Florida va janubiy Jorjiyada 12 millionga yaqin odam ob-havoning yomonlashuvi sababli 2-darajali xavf ostida qolgan. Tornado tufayli bir necha kilometr uzunlikdagi tirbandliklar yuzaga keldi.

Shtat janubida, shu jumladan Mayamida bo‘ron haqida ogohlantirish davom etmoqda. Jabrlanganlar va qurbonlar haqida ma’lumot berilmagan.