Қайси озиқ-овқатлар қандли диабет ривожланиш хавфини оширишини билиб олинг. Шунда сиз уларни кундалик таомномангиздан чиқариб ташлаб, соғлиғингизни ҳимоя қиласиз.
Баъзи озиқ-овқат гуруҳлари 2-тур диабет ривожланишига туртки бўлади. Нидерландияда 20 минг субъект иштирокида ўтказилган тадқиқот шуни кўрсатдики, қатор зарарли озиқ-овқатлар, айниқса, газланган ичимликлар, чипслар ва қовурилган маҳсулотлар 2-тур диабет ривожланиш хавфини 70 фоизга оширади. Натижалар Eurorean Journal of Nutrition журналида чоп этилди.
Мутахассислар 2-тур диабет ривожланишига олиб келадиган тўртта тоифадаги озиқ-овқатларни истеъмол қилишдан огоҳлантирадилар. Улардан имкон қадар камроқ тановул қилиш тавсия этилади.
Шакарли ичимликлар
2010 йилда Diabetes Care журналида чоп этилган тадқиқотга кўра, кунига бир-иккита шакарли ичимлик ичиш ойига бир мартадан камроқ бундай ичимликни ичиш билан солиштирганда 2-тоифа диабет ривожланиш хавфини 26 фоизга оширади.
“Газли ичимликлар, ширин чой ва лимонад каби шакарли ичимликлар 2-тур диабет хавфини оширади”, дейди диетолог Жилл Вайзенбергер. “Ҳаддан ташқари кўп калориялар вазн ортишига олиб келади ва шакар инсулин қаршилигини ошириши мумкин”.
Шакарнинг соғлиғингизга таъсирини камайтиришнинг энг яхши усулларидан бири — ширин ичимликлар, жумладан, мевали шарбатларни истеъмол қилишни чеклашдир. Сувсизланишни олдини олиш учун кўпроқ сув ичган афзал. Бундан ташқари, чой ёки қаҳвага шакар ва қаймоқли сутни кўп қўшманг.
Қайта ишланган гўшт
2011 йилда American Journal оf Clionical Nutrition журналида чоп этилган тадқиқотда олимлар кунига бир марта 3 қайта ишланган гўшт истеъмол қилиш 2-тур диабет хавфини 19 фоизга оширади, деган хулосага келишди. Камроқ қайта ишланган гўшт хавфнинг ўсишини 51 фоизга оширади. Колбаса, сосиска каби қайта ишланган гўштларда натрий ва нитрит миқдори юқори бўлгани учун, айниқса, зарарли ҳисобланади.
Доктор Элиазнинг сўзларига кўра, оқсилнинг бошқа манбаларига ўтиш саломатликни яхшилайди. “Лосось балиғи, сардиня каби кичик балиқлар, органик маҳсулотлар билан озиқланган парранда ва унинг тухумлари, баъзан эса ўт билан боқиладиган мол гўшти соғлом сабзавотли рационга киритилиши мумкин”, дейди эксперт.
Юқори даражада қайта ишланган углеводли овқатлар
Оғир қайта ишланган углеводлар, жумладан, олий навли ун, гуруч ва шакардан тайёрланган углеводлар, аслида, организм учун зарур бўлган клечатка, шунингдек, фойдали витаминлар ва минералларга эга бўлмаган озиқ-овқатлардир. Ушбу маҳсулотларни ҳазм қилиш осон бўлгани учун улар қонда қанд ва инсулин даражасининг кескин кўтарилишига олиб келиши мумкин. Вақт ўтиши билан бу 2-тур диабетга олиб келади.
2007 йилда Internal Medicine архивида чоп этилган тадқиқотга кўра, юқори даражада қайта ишланган углеводларга бой таомлар 2-тур диабет хавфини оширади. Фастфудларни ҳаддан ортиқ кўп истеъмол қилган хитойлик аёлларда қандли диабет одатий таомномага амал қилган аёлларга нисбатан 21 фоизга ошган.
Тўйинган ёғ ва транс ёғлари бўлган маҳсулотлар
Транс ёғлар қадоқланган, пиширилган маҳсулотларда, супермаркетлардаги тайёр овқатларда ва ресторанлардаги қовурилган овқатларда мавжуд. Тўйинган ёғлар эса ёғли гўшт, сариёғ, ёғли сут ва пишлоқда мавжуд. Тўйинган ёғлар ва транс ёғлар қонда холестерин даражасини оширади ва юқори холестерин 2-тур диабет учун хавф омили ҳисобланади.
Жилл Вайзенбергер ушбу гуруҳдаги таомларни истеъмол қилмаслик учун қуйидаги тавсияларни беради: “Зайтун ва канола ёғида таом тайёрланг ва пиширинг. Ширинликлар ўрнига ёнғоқлар истеъмол қилинг, ёғсиз гўшт ва терисиз парранда гўштини танланг, кўк пишлоқ ўрнига цирка қўшилган салатлар тановул қилинг”.
Изоҳ (0)