Ижтимоий тармоқларда Республика маънавият ва маърифат маркази Қўрғонтепа тумани бўлинмаси раҳбари мактаб тарғиботчиларини мажбурий меҳнатга жалб этгани юзасидан хабарлар тарқалди. Ушбу ҳолат юзасидан вилоят камбағалликни қисқартириш ва бандлик бош бошқармаси муносабат билдирди.
Таъкидланишича, ҳолат бошқарманинг давлат меҳнат назорати инспекцияси томонидан ўрганилган.
Ўрганиш давомида Г.Қ. Республика маънавият ва маърифат маркази Қўрғонтепа тумани бўлинмаси раҳбари вазифасидан ишлаб келиб, тумандаги таълим муассасаларида ишловчи олти нафар тарғиботчиларни уларнинг хоҳишига зид равишда меҳнат вазифаларига кирмайдиган ишларга жалб қилгани аниқланган. Тарғиботчилар масъулга тегишли хонадон ва ёрдамчи хўжаликда ободонлаштириш, тозалаш ишларини қилишга мажбурлаган.
Мазкур ҳолат юзасидан Г.Қ.га нисбатан Маъмурий жавобгарлик тўғрисидаги кодекснинг 51-моддаси (меҳнатга маъмурий тарзда мажбурлаш)га асосан базавий ҳисоблаш миқдорининг 50 баробари (15 миллион сўм) миқдорида маъмурий жарима қўлланилган.
Изоҳ (0)