АҚШ Қозоғистон Россияга ёрдам бериши туфайли иккинчи даражали санкцияларга дуч келиши мумкинлигидан огоҳлантирди. Бу ҳақда “РИА Новости” хабар берди.
АҚШ молия вазири ёрдамчиси Элизабет Розенберг Остонадаги давра суҳбатида бу бўйича гапирди. Қўшма Штатлар Қозоғистонни Россияга Ғарб томонидан ўрнатилган савдо ва молиявий чекловлардан қочишга ёрдам бергани учун республикадаги компания ва банкларга қарши иккиламчи санкциялар хавфи ортиб бораётганидан огоҳлантирмоқда.
АҚШ Қозоғистон ҳукумати расмийлари ва мамлакатнинг хусусий компаниялари билан Россиянинг санкцияларни четлаб ўтишдаги ёрдами натижасида юзага келиши мумкин бўлган “хавф ва оқибатларни аниқлаш бўйича” алоқада.
Қозоғистон расмийлари ҳозирги шароитда Россия билан савдо хавфидан эҳтиёт бўлишга чақирмоқда. Ҳукумат реекспорт хавфини камайтириш устида доимий иш олиб бормоқда, бунинг учун компанияларни санкциялар ҳақида хабардор қилувчи онлайн маълумотлар базаси яратилган.
Импорт-экспорт мониторинги тизими келаси ой онлайн режимида ишга тушади. Шу тарзда, шубҳали савдо операциялари диққат билан таҳлил қилинади. Зарур бўлганда маъмурий чоралар кўрилади.
Изоҳ (0)