Ла Лига. “Реал” Виго клуби устидан ишончли ғалабага эришди 

Футбол бўйича Испания Ла Лигасининг 30-тури доирасида “Реал” 22 апрель, шанба куни “Сельта”га қарши баҳс олиб борди.

Учрашувнинг 42-дақиқасида Марко Асенсио ҳисобни очди. 48-дақиқада эса Эдер Милитао мадридликларнинг иккинчи голига муаллифлик қилди. Қолган дақиқаларда гол урилмади ва “қаймоқранглилар” 3 очкога эга бўлди.

Ушбу ғалабадан сўнг Карло Анчелотти шогирдлари очколарини 65 тага етказиб, биринчи ўриндаги “Барселона” (73 очко) билан орадаги фарқни қисқартирди.

Ла Лига

30-тур баҳси

22 апрель, шанба

“Реал” – “Сельта” 2:0

Голлар: 1:0 – 42 Асенсио, 2:0 – 48 Милитао.

“Реал Мадрид”: Куртуа, Начо, Рюдигер, Милитао, Камавинга, Себальос (Модрич, 81), Вальверде, Тчуамени, Асенсио (Васкес, 76), Винисиус Жуниор (Родриго, 81), Бензема.

“Сельта”: Вильяр, Васкес (Фернандо, 78), Нуньес, Тапия, Галан (Сведберг, 73), Солари (Серви, 46), Де Ла Торре, Бельтран, Вейга (Пасиэнсия, 63), Сеферович (Оскар Родригес, 63), Аспас.

Огоҳлантиришлар: Васкес (19), Себалъос (45), Галан (70).