“Манчестер Юнайтед” ёзда таркибда “катта тозалаш” амалга оширмоқчи

“Манчестер Юнайтед” ёзги трансфер ойнасида қатор футболчилари билан хайрлашмоқчи.

The Telegraph нашрининг хабар қилишича, жамоа устози Эрик тен Ҳаг таркибда жиддий “тозалаш” ишларини олиб бормоқчи.15 нафар футболчининг клубдаги келажаги сўроқ остида турибди. Мураббий қатор футболчилар борасида якуний хулосасини қабул қилган.

Жамоани тарк этиши мумкин бўлганлар орасида Ҳарри Магуайр, Виктор Линдельоф ва Антони Марсял каби машҳур номлар бор. Клуб уларнинг юқори маоши сабаб ҳамкорликни давом эттирмоқчи эмас.

Бундан ташқари Аарон Уан-Биссака, Фред, Донни ван де Бек каби футболчиларнинг ҳам келажаги мавҳум бўлиб қолмоқда.

Ижарада бўлган Эрик Байи ва Алекс Теллес табиийки, тен Ҳагнинг шартларига мос тушмайди. Фил Жонс ва Аксел Туанзебе эса шартнома муддати якунлангани боис клуб тарк этади. “Ноттингем Форест” сафида ижарада ўйнаётган Дин Ҳендерсон ҳам кетадиганлар сафига қўшилиши мумкин.

Энтони Эланга ва Брендон Уильямс ҳам нидерландиялик мутахассис жамоасида муҳим ролга эга эмас ва улар ҳам клубни тарк этиши мумкин. Шунингдек, мунтазам ўйин амалиётига эга бўлаётган Скотт Мактоминей ҳам ёзда ўз жамоасини алмаштириши мумкин.

“Манчестер Юнайтед” АПЛ 30 та туридан кейин 59 очко билан 3-ўринда бормоқда.