Актёр аллақачон маълум ёшга етганлиги сабабли CGI программаси ёрдамида уни ҳали ҳам ёш кўрсатиш мумкин. Кичик эпизодлардан тортиб то тўлиқ метражли фильмларгача актёрларнинг рақамли қариши ҳолатлари кўп бўлган.
Арнольд Шварценеггер (“Терминатор: Нажоткорнинг келиши”)
Расмий равишда Арнольд Шварценеггернинг ўзи “Терминатор: Нажоткорнинг келиши” фильмини суратга олишда иштирок этмади, чунки ўша пайтда у Калифорния губернатори бўлиб ишлаган, аммо у образидан фойдаланиши учун Warner Bros.га рухсат берган.
Фильмда австриялик бодибилдер Роланд Кикингер “Терминатор” франшизасининг биринчи қисмидан Шварсенеггернинг юзи бўлган Т-800 ни тасвирлайди. Шварсенеггер техник жиҳатдан фильмда кўринмаса-да, аммо рўйхатга киритилган, чунки унинг ёш версиясини яратиш учун CGI ишлатилган.
Майкл Дуглас (“Чумоли одам”)
Lolа VFХ программаси “Чумоли одам” фильмидаги Майкл Дугласни рақамли ёшартириш учун зарур бўлган махсус эффектларни яратиб, Marvel олами учун яна бир бор мўжизалар яратди.
Айтганча, Lolа VFХ нафақат Marvel кинематик оламидаги актёрларни ёшартирди, у, шунингдек, “Капитан Америка: Биринчи қасоскор” фильмида Крис Эвансни ориқ қилиб кўрсатди: “Капитан Америка: Қишки аскар” фильмида Хейли Атвеллни эса қаритди.
Уилл Смит (“Эгизаклар”)
Уилл Смитнинг муваффақиятсиз роллари қаторида актёр ўзининг ёшроқ версияси бўлган клонига қарши курашадиган “Эгизаклар” илмий-фантастик фильми ҳам бор.
Баъзи танқидчилар Смитнинг ёшроқ образини мақташса-да, бунга қарши бўлганлар ҳам кам эмасди. CGI ҳақида фикр иккига бўлинган бўлса-да, танқидчилар сценарийнинг заиф эканлигини таъкидлашди. “Эгизаклар” фильми кассада муваффақиятсизликка учрагач, Paramount Pictures 111 миллион доллар зарар кўргани ажабланарли эмас.
Жонни Депп (“Кариб денгизи қароқчилари: Мурдалар эртак айтмайди”)
“Кариб денгизи қароқчилари” франшизасининг бешинчи қисми капитан Жек Читтакнинг келиб чиқишини намойиш қилиши билан ҳаяжонли эди. Ёшлигида машҳур қароқчи Испания қироллик денгиз флоти зобити Армандо Салазарга дуч келади ва уни алдаб Иблис учбурчаги томон сузиб боради.
Бу ҳаяжонли саҳнада жуда ёш Жонни Депп рол ўйнади. Қанчалик ишонарли кўринмасин, бу CGI ёрдамида амалга оширилган ва актёр 21 Jump Street ва What’s Eating Gilbert Grape каби илк лойиҳалардаги ёшлигини эслатади.
Ал Пачино (“Ирландиялик”)
Ал Пачино жиноят фильмлари актёри, Мартин Скорсезе эса криминал фильмлар режиссёри сифатида танилган. Қанчалик ҳайратланарли туюлмасин, уларнинг бутун фаолияти давомида иккаласи ҳеч қачон ҳамкорлик қилмаган. Улар “Ирландиялик” фильмида ишлашга рози бўлгач, ҳаммаси ўзгарди.
Унинг ҳамкасблари Роберт Де Ниро ва Жо Пеши сингари Пачино ҳам Жимми Хоффа роли учун ретушланган. Уч актёрни ёшартириш вазифаси визуал эффектлар бўйича мутахассис Пабло Ҳелманга берилади. Гарчи фильм энг яхши визуал эффектлар учун Академия мукофотига номзод бўлган бўлса-да, аммо “1917” фильми мукофотни қўлга киритди.
Алфред Молина (“Ўргимчак одам: Уйга йўл йўқ”)
Доктор саккизоёқ – “Ўргимчак одам: Уйга йўл йўқ” фильмидаги асосий ёвуз қаҳрамонлардан бири бўлиб, “Ўргимчак одам-2” фильмидаги актёр Алфред Молина томонидан тасвирланган. Ажабланарлиси шундаки, ёвуз Спайди ҳеч ҳам қаримаган.
17 йилдан кейин Молина энди аввалгидек кўринмайди ва CGI ёрдамга келади. Актёр худди “Ўргимчак одам-2” фильмидаги каби ёшартирилган. Худди шу нарса ўзларининг собиқ қаҳрамонларини қайта ўйнаган бошқа актёрлар билан ҳам содир бўлди.
Бред Питт (“Бенжамин Баттоннинг сирли тарихи”)
Скотт Фитсжералднинг худди шу номдаги қиссаси асосида “Бенжамин Баттоннинг сирли тарихи” фильми Бенжамин исмли хунук боланинг чол қиёфасида туғилиши ҳақида ҳикоя қилади. Вояга етганида, у аксинча қарийди.
Бенжамин қариган бир нечта саҳналар учун Бред Питт маълум бир вақт оралиғида ҳақиқий кўриниш учун рақамли манипуляция қилинган. Танқидчиларнинг олқишига сазовор бўлган фильм энг яхши визуал эффектлар учун Академия мукофотига сазовор бўлди.
Марк Хемилл (“Юлдузлар жанги: Скаюолкернинг юксалиши”)
Содиқ мухлислар Марк Хемиллсиз “Юлдузлар жанги” тўлиқ бўлмаслигини таъкидлашлари мумкин. Люк Скаюолкер ролига эришганида актёр ҳали тажрибасиз эди, бу рол бир кечада унинг карьерасини ўзгартирди.
“Юлдузлар жанги” трилогиясининг якуний қисмида Хемилл Кило Реннинг амакиси ролини ўйнайди. Рол унинг кекса қиёфасини тўлдиради, лекин у синглиси Лея билан машғулот ўтказган ёшлиги саҳнасида CGI актёрни ёшартиришга ёрдам беради.
Самюэль Л.Жексон (“Капитан Maрвел”)
Ник Фьюрининг қаҳрамони, аслида, Marvel кинематик оламини бирлаштирган елимдир. У турли суперқаҳрамонларни бир том остида бирлаштирган ва уни Самюэль Л. Жексондан бошқа актёр ўйнашини тасаввур қилиш қийин.
“Капитан Maрвел” фильми эълон қилинганида, мухлислар дастлаб Фьюрини ёш актёр ўйнашини тахмин қилишади, чунки фильм 1990 йилларда бўлиб ўтади. Бироқ Жексондан ўзига хос ролни такрорлаш сўралган ва пост-продюсерликда рақамли равишда ёшартирилган.
Курт Расселл (“Галактика қўриқчилари-2”)
Курт Расселл Marvel оламига қисқа бўлса-да, ажойиб тўлдириш бўлди ва уни отаси Эго ролига тавсия қилгани учун Крис Праттга миннатдорлик билдирилди.
1980 йилларда Ер сайёрасида содир бўлган асосий саҳналар Расселдан рақамли ёшартиришни талаб қилди ва буни Лола ВФХ ажойиб тарзда бажарди.
Изоҳ (0)