АПЛ. “Арсенал” ўз майдонида йирик ҳисобда ғалаба қозонди

Футбол бўйича Англия Премьер Лигасининг 29-турида “Арсенал” 1 апрель, шанба куни “Лидс”ни қабул қилди.

Учрашув тўлиқ лондонликларнинг устунлигида кечди. Дастлаб, 35-дақиқада Габриэль Жезус пенальтини аниқ амалга ошириб, ҳисобни очди. Иккинчи бўлим бошида Бенжамен Уайт лондонликларнинг иккинчи голига муаллифлик қилди. 55-дақиқада Жезус дублни расмийлаштирди. Шундан сўнг “Лидс” ҳисобни қисқартирди. 76-дақиқада Расмус Кристенсен ўз ҳисобига гол ёздириб қўйди. 84-дақиқада эса Гранит Жака ҳисобни яна йирик кўринишга олиб келди.

Микель Артета шогирдлари ушбу ғалабадан сўнг очколари сонини 72 тага етказиб, биринчи ўринни мустаҳкамлади. Иккинчи ўринда бораётган “Манчестер Сити”да 64 очко мавжуд. 

АПЛ

29-тур баҳси

1 апрель, шанба

“Арсенал” – “Лидс” 4:1

Голлар: 1:0 – 35 Габриэль Жезус (пенальти), 2:0 – 47 Уайт, 3:0 – 55 Габриэль Жезус, 3:1 – 76 Кристенсен, 4:1 – 84 Жака.

“Арсенал”: Рэмсдейл, Уайт, Холдинг, Габриэль, Зинченко (Тирни, 85), Жака (Фабиу Виэйра, 86), Парти (Жоржиньо, 60), Эдегор (Смит-Роу, 85), Троссард, Мартинелли, Габриэль Жезус (Сака, 60).

“Лидс”: Меле, Эйлинг, Стрейк, Кох (Купер, 74), Фирпо, Кристенсен, Рока, Ҳаррисон (Бемфорд, 85), Ааронсон (Маккенни, 65), Синистерра (Родриго, 65), Саммервилл (Рюттер, 74).

Огоҳлантиришлар: Кох (45), Бемфорд (90).