Google Cloud Саудия Арабистони Қироллиги билан биргаликда аёлларга сунъий интеллект технологияларини ўргатиш бўйича кенг кўламли бепул Elevate таълим дастурини ишга туширмоқда. Бу ҳақда IT Park хабар берди.
Дастурнинг асосий мақсади ва вазифаси — STEM (Sciyence, Technology, Engineyering, Mathematics) соҳаларида гендер тафовутини камайтириш орқали аёлларнинг сунъий интеллект технологиялари соҳасида мартаба қуриш ва давом эттириш имкониятларини кенгайтиришдан иборат.
Тренинг инглиз тилида, аралаш форматда, Google Cloud жамоаси кўмагида ўтказилади.
Иштирокчилар STEM, ахборот менежменти йўналишлари бўйича олий таълим муассасалари талабалари ва битирувчилари, бизнес бошқаруви ва бизнес информатика йўналишлари бўйича университет битирувчилари, шунингдек, ривожланаётган мамлакатларда яшовчи 22 ёш ва ундан юқори бўлган аёл ва қизлар иштирок этишлари мумкин.
Иштирокчилардан инглиз тилини билиш, компьютер саводхонлиги, компьютер ва интернетга кириш имкони талаб қилинади.
Тренинг икки йўналишда олиб борилади:
- Техник компетенсиялар — дастур иштирокчисининг қизиқишлари ва тажрибасига қараб яна 3 та йўналишга бўлинади (Google Cloud Архитектураси, маълумотлар муҳандислиги, Machine Learning ва Data Prosessing);
- Бизнес компетенциялари — барча учун умумий йўналишдир (рақамли трансформацияга кириш, булутли муҳитнинг корпоратив хавфсизлиги ва бошқалар).
Аризалар 2023 йил 31 мартгача қабул қилинади.
Elevate — бу Google Cloud ва Саудия Арабистони Қироллиги Data and AI Authority (SDAIA) томонидан биргаликда ишлаб чиқилган сунъий интеллект ва мачине леарнинг технологиялари бўйича аёлларни ўқитиш учун бепул таълим дастури.
Дастур иш ўринлари сонини оширади ҳамда фан, технология ва дастурлаш, айниқса ривожланаётган мамлакатларда гендер тафовутини камайтиради. Келгуси 5 йил ичида ташаббус доирасида 25 минг нафаргача хотин-қизларни жалб этилиши режалаштирилган.
Изоҳ (0)