“KazTransOil” 25 минг тонна Россия нефтини Қозоғистон ҳудуди орқали Ўзбекистонга жўнатишни бошлади. Бу ҳақда Қозоғистон компанияси хабар бермоқда.
![](/static/2023/Biznes/Fozil/801x-1-55.jpg)
Маълум бўлишича, Нефтьни ташиш Қозоғистон Энергетика вазирлиги томонидан тасдиқланган нефть етказиб бериш жадвалига мувофиқ амалга оширилади.
2023 йилда “KazTransOil” магистрал нефть қувурлари орқали Ўзбекистонга Россия нефти транзитининг кутилаётган ҳажми 250 минг тоннани ташкил этади.
Аввалроқ Ўзбекистонга нефть транзити учун Россия Қозоғистонга қанча тўлаши ҳақида хабар берилганди.
Норезидентлар учун Қозоғистон ҳудуди орқали Ўзбекистонга транзит мақсадида Россиядан келиб чиққан нефтни ташиш нархи бир тонна учун 25,12 долларни ташкил этади (ҚҚСсиз).
Унга ушбу йўналиш бўйлаб нефтни қуйиш нархи — 1000 км учун 12,85 доллар (ҚҚСсиз) бир тонна учун 24,28 доллар ва Шағир нефть қуйиш станциясида темирйўл цистерналарига қуйиш тарифи – 1 тонна учун 0,84 доллар (ҚҚСсиз).
“KazTransOil” Россия нефтини Ўзбекистонга транзит қилишни 2017 йилнинг ноябрида бошлаган: 2017 йил сентябрь ойида Қозоғистон ва Ўзбекистон ҳукуматлари энергетика соҳасидаги ҳамкорликнинг айрим масалалари бўйича доиравий битим имзолаган эди.
Изоҳ (0)