Буюк Британия қироллик зарбхонаси “Гарри Поттер”даги Хогвартс жодугарлик ва сеҳргарлик мактаби тасвири туширилган тангани муомалага чиқарди, деб хабар бермоқда “Правила жизни” нашри.
Хогвартс мактаби тасвирланган танга турли номиналларда тақдим этилган. Нарх танганинг материалига қараб ўзгаради — оддий металл тангани 13 доллардан, олтин тангани эса 6 420 доллардан сотиб олиш мумкин.
Хогвартс тангаси 2022 йилда Жоан Роулингнинг “Гарри Поттер ва ҳикматлар тоши” асарининг биринчи марта нашр этилганига 25 йил бўлгани муносабати билан чиқарилган тўртта Гарри Поттер тангалари коллекциясининг охиргиси ҳисобланади. Бошқа тангаларда бош қаҳрамон Гарри Поттер, профессор Дамблдор ва “Кингс-Кросс” поезди тасвирланган.
Изоҳ (0)