Кинодаги баъзи муҳим саҳналар шу қадар пухта саҳналаштириладики, уларни неча марта кўриб чиқмайлик, ҳар сафар ўчмас таассурот қолдиради. Масалан, “Оддий аскар Райанни қутқариш” фильмидаги қария Райаннинг қабристонга келган саҳнаси ёки Максимус “Гладиатор”да император олдида дубулғасини ечган пайт.
Максимус император Коммод олдида дубулғасини ечади
“Гладиатор” фильмидаги Расселл Кроунинг қаҳрамони Римга қайтади ва гладиаторлар жангларида қатнашади. У энг қийин жангда ғалаба қозонади ва император Коммод унинг олдига аренага тушади. У жасур жангчининг исмини сўрайди, лекин Максимус ўзини шунчаки гладиатор деб атайди ва ҳукмдордан юз ўгиради. Шунда Коммод ғазабланган ҳолда дубулғасини ечишни талаб қилади. Максимус итоат қилади, юзини очади. Шунда, ҳамма аллақачон ўлдига чиқарган империянинг энг яхши қўмондонини кўриб ҳайратда қолади.
Роуз Жекнинг фамилиясини олади
Титаникдан қутқарилгандан сўнг, Роуз бошқа омон қолган йўловчилар билан бирга Нью-Йоркка етиб боради. Ундан исми ва фамилияси сўралганда, у ўзининг ўрнига Жекнинг фамилиясини айтиб, Роуз Доусон дейди. Шу тариқа Роуз уларнинг танишуви жуда қисқа бўлишига қарамай, унга қанчалик аҳамиятли эканини кўрсатади.
Фильм сўнгидаги Wҳере Ис Мй Минд қўшиғи янграйди
“Жангчилар клуби” охирида Эдвард Нортон ўйнаган ҳикоячини Марланинг олдига олиб келинади. У аёлнинг қўлидан ушлаб, рамзий иборани айтади: “Биз ҳаётимнинг ғалати бир даврида учрашдик”. Шундан сўнг улар улкан дераза орқали осмонўпар биноларга қарашади ва фонда Пихиэс гуруҳининг қўшиғи янграйди.
Жон Коффи уни қоронғида қолдирмасликни сўрайди
“Яшил маскан” фильмида қамоқхона бошлиғи беозор ва содда Жон Коффига қарши ҳукмни бажаришга мажбур бўлади. Унинг виждони қийналади, чунки у Коффини айбдор деб ҳисобламасди. Жон Коффи зулматда қолишни истамаслигини айтганида, назоратчи сўнгги истагини бажаради.
Снейп Лиллини доим яхши кўрганини айтади
Гарри Поттер хотиралар гирдобида Северус Снейп ҳақидаги хотираларни кўргач, у болалигиданоқ онаси Лиллини севишини билиб олади. Аммо Лилли Жеймс Поттерга кўнгил қўяди. Шунга қарамай, Снейп профессор Дамблдорнинг илтимосига биноан Гаррини асраб-авайлайди. Профессор билан суҳбатда Снейпдан “Шунча йилдан кейин ҳам Лиллини севасизми”, деб сўраганида, Снейп “Ҳар доим” деб жавоб беради.
Фродо элфлар билан бирга кетади
“Узуклар ҳукмдори” фильмининг якуний қисмида Фродо узукни ҳаддан ташқари кўп тақиши натижасида келиб чиққан эски яраси ва касалликдан азият чекади. Аста-секин у нормал ҳаётга қайта олмаслигини тушунади, унга ва Билбога берилган имкониятдан фойдаланишга қарор қилади — элфлар билан Мангу ерларга бориш. Портда у дўстлари Мерри, Пиппин ва Сем билан хайрлашади.
Райан қабристонга келади
“Оддий аскар Райанни қутқариш” фильми охирида кекса Райан фарзандлари ва набиралари билан қутқарувчиси капитан Миллер қабрига келади. Кўз ёшларини тийишга қийналган қария муносиб ҳаёт кечириш учун бор кучини сарфлаганини шивирлайди.
Форрест Гамп ўғлини биринчи марта кўради
Форрестнинг севгилиси Женни уни телевизорда кўриб, унга таклифнома билан хат юборади. Қаҳрамон унинг олдига келади ва севгилиси отасининг исмини қўйган ўғли Форрест билан яшашини билиб олади. Женнининг айтишича, Форрестнинг ўғли тенгдошлари орасида энг ақллиси.
Изоҳ (0)