А Серия. “Милан” сафарда “Удинезе”га мағлуб бўлди 

Футбол бўйича Италия А Сериясининг 27-туридан ўрин олган ўйинда “Милан” 18 март, шанба куни “Удинезе” билан баҳс олиб борди.

Учрашувнинг 9-дақиқасида Роберто Перейра ҳисобни очди. Биринчи бўлим сўнгида эса Златан Ибраҳимович пенальтидан гол уриб, мувозанатни тиклади. Орадан 2 дақиқа ўтиб, Бето яна бир бор “Удинезе”ни ҳисобда олдинга олиб чиқди. 

Иккинчи бўлимда миланликлар фаол ҳаракат қилган бўлса-да, бироқ гол ура олмади. Аксинча, 70-дақиқада “Удинезе” учрашувдаги учинчи голини урди. Бу сафар Кингсли Эҳизибиуэ ўз ҳисобига гол ёздириб қўйди. Қолган дақиқаларда дарвозалар ишғол этилмади ва “Милан” мағлубиятга учради. 

Ушбу ғалабадан сўнг “Удинезе” очколари сонини 38 тага етказиб, 8-ўринга кўтарилиб олди. “Милан” эса 48 очко билан 4-поғонадан жой олди.

А Серия

27-тур баҳси

18 март, якшанба

“Удинезе” – “Милан” 3:1

Голлар: 1:0 – 9 Перейра, 1:1 – 45 Ибраҳимович (пенальти), 2:1 – 45 Бету, 3:1 – 70 Эҳизибуэ.

“Удинезе”: Силвестри, Эҳизибуэ (Эбоселе, 88), Родриго Бекао, Перес, Биёл, Удожи (Зегелар, 89), Перейра (Арслан, 81), Уолас, Самаржич (Ловрич, 73), Саксесс (Товен, 74), Бету.

“Милан”: Менян, Томори (Калабрия, 76), Тиав, Калулу, Балло-Туре, Салемакерс (Ребич, 64), Беннасер (Крунич, 64), Браим Диас (де Кетеларе, 76), Тонали, Рафаэл Леау, Ибраҳимович (Ориги, 76).

Огоҳлантиришлар: Перес (27), Калулу (61), Уолас (68), Эбоселе (90), Тонали (90), Родриго Бекао (90).