Англия Кубоги. “Манчестер Сити” рақиб дарвозасига жавобсиз 6 та гол урди, Эрлинг Ҳоланддан ҳет-трик

Футбол бўйича Англия Кубогининг чорак финалидан ўрин олган баҳсда “Манчестер Сити” 18 март, шанба куни “Бёрнли”га қарши майдонга тушди.

Учрашув тўлиқ Пеп Гвардиола шогирдларининг устунлиги остида кечди ва “шаҳарликлар” 6:0 ҳисобида ғалаба қозонди. Манчестер жамоаси таркибида Эрлинг Ҳоланд ҳет-трик қайд этган бўлса, Хулиан Альварес дубль муаллифига айланди. Шунингдек, Коле Палмер ҳам ўз ҳисобига гол ёздириб қўйди.

Шу тариқа “Манчестер Сити” ярим финалга йўл олди.

Англия Кубоги

1/4 финал баҳси

18 март, шанба

“Манчестер Сити” – “Бёрнли” 6:0

Голлар: 1:0 – 32 Ҳоланд, 2:0 – 35 Ҳоланд, 3:0 – 59 Ҳоланд, 4:0 – 62 Альварес, 5:0 – 68 Палмер, 6:0 – 73 Альварес.

“Манчестер Сити”: Ортега, Уокер, Лапорт, Рубен Диаш (Аканжи, 63), Льюис (Серхио Гомес, 66), де Брюйне (Грилиш, 89), Родри (Филлипс, 66), Фоден, Маҳрез, Ҳоланд (Палмер, 63), Альварес.

“Бёрнли”: Пикок-Фаррелл, Роберц, Байер, Ал-Дахил, Матсэн (Тейлор, 77), Витиньо (Бастен, 77), Гудмундссон (Корк, 46), Каллен, Телла (Обафеми, 64), Зарури, Фостер (Барнс, 46).

Огоҳлантиришлар: Барнс (90).