Ўзбекистон мактабларида баҳорги таътил 20 мартдан бошланиб, 26 мартгача давом этади. Бу ҳақда Мактабгача ва мактаб таълими вазирлиги хабар берди.
Қайд этилишича, 2023 йил 20 март куни — қўшимча дам олиш кун сифатида белгилангани муносабати билан мактабларда баҳорги таътил 20 март санасидан бошланади ҳамда 26 мартга қадар (шу куни ҳам) давом этади.
“Шуларни инобатга олиб, умумий ўрта таълим мактабларида 18 март (шанба) III чоракнинг сўнгги ўқиш куни бўлиб, IV чорак 27 март санасидан бошланишини маълум қиламиз”, — дейилади Мактабгача ва мактаб таълими вазирлиги хабарида.
Изоҳ (0)