Журналист ва шоир Акмал Тошевнинг ўлими юзасидан терговга қадар текширув ҳаракатлари бошланди. Бу ҳақда Бош прокуратура ахборот хизмати хабар берди.
“2023 йил 8 март куни 37 ёшли журналист Акмал Тошев вафот этгани юзасидан Бектемир тумани прокуратураси томонидан терговга қадар текширув ҳаракатлари ўтказилмоқда. Суд-тиббиёт экспертизасининг дастлабки хулосасига кўра, А.Тошевнинг ўлими юрак тампонадаси, ўпка артерияси аневризмасининг ёрилиши, юрак туғма нуқсони, юрак бўлмачалари дефектидан келиб чиққан”, — дейилади Бош прокуратура ахборот хизмати тарқатган расмий маълумотда.
Аввалроқ журналистнинг ўлими ҳақида гапирган ҳамкасби Аслиддин Алимардонов “Дарё” мухбири билан суҳбатида “Кеча янги сотиб олган уйининг таъмири учун усталарга қурилиш материаллари олиб бериб, қайтаётганда кўчада юраги безовта қилган дейишди. Тез ёрдам етиб келгунга қадар жони узилган экан”, — деганди.
Изоҳ (0)