Ўзбекистон Республикаси Президентининг “Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида”ги қарорига мувофиқ, шунингдек, Ўзбекистон Республикаси Экспортни қўллаб-қувватлаш миллий тизими доирасида экспорт шартномалари ва кредитларини сиёсий ва тижорат рискларидан суғурталаш “Ўзбекинвест” компанияси томонидан амалга оширилиб келинмоқда.
Маҳаллий экспортчиларни қўллаб-қувватлаш бўйича топшириқларни амалга ошириш доирасида 2022 йил якунига кўра “Ўзбекинвест” компанияси ўз зиммасига 2,14 миллиард АҚШ долларидан ортиқ суғурта мажбуриятларини олди, бу эса нохом ашё экспорт қопламасининг 32 фоизини ташкил этди. 2021 йилда эса ушбу кўрсаткич 1,78 млрд долларни ташкил қилган.
Фоиз миқдорида 2022 йилда қўллаб-қувватлаш ҳажмининг ўсиши 2021 йилга нисбатан 120% ни ташкил этди. 2022 йилда “Ўзбекинвест” суғурта хизматларидан фойдаланувчи экспортчи корхоналар сони 2017 йилга нисбатан 2 баравар кўпайди.
2022 йил давомида экспорт рискларини суғурталаш полислари бўйича суғурта ҳодисалари юз берганлиги муносабати билан миллий экспортчиларга 6,1 млрд сўм суғурта товонлари тўлаб берилди.
2022 йилда “Ўзбекинвест” экспорт географияси кенгайтирди. Компания 30 дан ортиқ яқин ва узоқ хорижий мамлакатларда, шу жумладан, Россия, Хитой, Ҳиндистон, Туркия, Қозоғистон, Испания, Германия, Буюк Британия, Канада, Сингапур ва бошқа давлатлардан экспорт шартномалари бўйича рискларни қабул қилди.
Жорий йилда компания томонидан миллий маҳсулот ва хизматлар экспортини қўллаб-қувватлаш, экспортчилар географиясини, сонини, шунингдек, экспорт товарлари номенклатурасини янада кенгайтириш бўйича кенг кўламли ишларни давом эттириш режалаштирилган.
Реклама ҳуқуқи асосида.
Изоҳ (0)