Qattiq sovunni ko‘rishingiz mumkin bo‘lgan yagona joy yuvinish xonasi bo‘lsa-da, u gigiyena bilan bog‘liq bo‘lmagan boshqa ko‘plab ishlarga yordamchi.
Sovun qanchalik foydali?
Sovunning asosiy maqsadi — dush yoki yuvinish xonasida ishlatishdan tashqari ko‘plab boshqa xususiyatlarga ega. Undan uyda ham, tashqarida ham unumli foydalansa bo‘ladi. Hali ham faqat vannaxonada sovun saqlasangiz, uyning har bir xonasida sovun bo‘lishi juda yaxshi g‘oya ekanini bilishingiz kerak.
Hasharot chaqishi
Agar hasharot chaqishi sizni bezovta qilsa, bir bo‘lak sovunni ho‘llang va chaqqan joyga surting.
Chiyillashga qarshi
Eshiklar, tortmalar yoki pollarning chiyillashini yo‘q qilish uchun sovunning yangi bo‘lagini chiyillayotgan joyga (ilgaklarga) surting.
Ko‘zoynaklar terlashining oldini olish
Ko‘zoynaklaringiz terlaydimi? Ularga quruq sovunni ishqalang, so‘ng toza mato bilan artib oling. Xuddi shu usul hammom oynasining parlanishining oldini olish uchun ham ishlatiladi.
Qattiq chirklarni ketkazish uchun
Misol uchun, derazalarga yopishib qolgan har qanday narsalarni sovun bilan “yog‘lab”, uni osongina ketkazish mumkin. Faqat quruq sovun bilan ishqalang.
Yomon hidlarni yo‘q qiladi
Xushbo‘y shamlardan foydalanish o‘rniga, qattiq sovunni yoqimli va yangi hid bo‘lishini xohlagan joyda qoldirib, shkaf, tortma yoki jomadoningizni yangilang.
Dog‘larni ketkazadi
Yoqangizda sariq dog‘ yoki kiyimingizda boshqa dog‘ bo‘lsa, kir yuvish mashinasida yuvishdan oldin uni sovun bilan ishqalang, so‘ngra mashina ichiga qo‘ying.
Bog‘dorchilikda
Sovun yordamida bog‘ingizdagi hasharotlar, sichqon va boshqa zararkunandalarni yo‘q qiling. O‘simliklarni himoya qilish uchun sovunning yarmini kesib oling va har bir bo‘lakni metall tayoqqa yopishtiring, so‘ngra ularni zararkunandalar paydo bo‘lishi mumkin bo‘lgan bog‘ning turli joylariga qo‘yib chiqing. Bundan tashqari, sovun yarmini iplarga bog‘lab osib qo‘yishingiz mumkin.
Qattiq poyabzal
Yangi sotib olingan poyabzalning qattiq terisi oyog‘ingizni pufakchalar bilan qiynayaptimi? Sovunni ishqalanishga olib keladigan joylarga, masalan, tepa va oyoq barmoqlarining ichki qismiga surtib chiqing.
Mixni yog‘lang
Mixlarni bolg‘alashni boshlashdan oldin ularni yog‘ochga oson kirishi uchun sovun surting. Xuddi shu narsani boshqa asboblar, tikuv ignalari va boshqa buyumlarda qilish mumkin.
Belgilash uchun sovundan foydalaning
Tikish paytida siz kesilgan chiziqlarni belgilashingiz kerak bo‘lsa, bo‘r yoki marker o‘rniga ingichka quruq sovunni ishlating. U osongina yuviladi va hech qanday iz qoldirmaydi.
Mavzuga doir:
- Sovun qoldiqlaridan samarali foydalanish uchun 20 ta layfxak
- Uy sharoitida pashshalardan qutilishning eng oddiy usullari
Izoh (0)