Баҳорда юз териси учун муҳим бўлган муолажалар
Баҳор — нафақат табиат учун, балки ташқи кўринишимиз учун ҳам янгиланиш вақти. Юз терисининг соғлом, гўзал бўлиши ташқи кўринишда муҳим аҳамиятга эга. “Новий очаг” нашри баҳорда юз териси учун муҳим бўлган муолажалар ҳақида маълумот берди.
Терингизни намланг
Қиш фаслида юз териси қуруқ ҳаво, ҳароратнинг ўзгариши ва намлик етишмаслигидан азият чекади, бу эса ҳорғин ва чарчаган кўринишга сабаб бўлади. Баҳорнинг биринчи ойи интенсив намлантирувчи муолажалар учун энг яхши вақт ҳисобланади. Муолажалар уйда ёки гўзаллик салонларида амалга оширилиши мумкин, асосийси, тери етарли даражада намликни олади ва эластиклик ва янги рангни тиклайди.
Терингизни тозаланг
Қишда, тери қуруқ ва ҳимоясиз бўлганда, косметологлар ҳафтасига бир мартадан кўп бўлмаган тозалаш воситаларидан фойдаланишни маслаҳат беради. Бироқ баҳорда, кўпроқ қуёш нурлари тушиши ва намлантиришни инобатга олганда, кўпроқ тозалаш воситалардан фойдаланиш мумкин, бу эса нафақат ўлик ҳужайраларни олиб ташлаш, балки турли хил косметика воситаларининг кириб боришини яхшилаш ва терининг уйғонишига ёрдам беради.
Кремни лосьон билан алмаштиринг
Баҳор — намлантирувчи лосьонларга ўтиш учун яхши вақт. Кўпроқ ёғга асосланган маҳсулотлар юз териси намликка энг муҳтож бўлган пайтда, қишда парвариш қилиш учун идеал ҳисобланади. Бироқ баҳорда юздаги тешикларни тўсиб қўймайдиган ва терини оғирлаштирмайдиган енгилроқ маҳсулотлардан фойдаланган маъқул.
Терингизни қуёш нурларидан ҳимоя қилинг
Тонгни қуёш креми билан бошланг, чунки баҳорда кўпр вақтимизни ташқарида ўтказамиз ва ултрабинафша нурлар булутлар орқали ҳам кириб боради. Юз териси доимий ҳимояга муҳтож, шунинг учун кремларни эрталаб қўлланг ва ҳар икки-уч соатда такрорлашни унутманг. Қуёшдан ҳимояловчи кўзойнакларни ҳам унутманг, улар нафақат кўз атрофига ажинлар пайдо бўлишини олдини олади, балки тери саратони хавфини ҳам камайтиради.
Лабларингизга эътибор беринг
Баҳорнинг биринчи ҳафталарида кўплаб аёллар лаблар терисидаги қуруқлик ва ёриқлар пайдо бўлиши муаммоларига дуч келади. Бу ажабланарли эмас, совуқ ҳаво, шамол, қуёш нурлари ва намлик етишмаслиги — бу омилларнинг барчаси лаблар терисига салбий таъсир қилади. Балзамлар ва скраблардан фойдаланинг ва ультрабинафша нурланишдан ҳам ҳимояланишни унутманг, лаб териси тери саратони пайдо бўлувчи тананинг энг заиф жойларидан бири ҳисобланади.
