ISH.UZ мутахассислари ходимлар билан ишлаш жараёнида нималарга эътибор бериш кераклиги ва асосий муаммоларни ҳал қилиш усуллари ҳақида ўз фикирларини билдирди.
Ҳозирги кунда муносиб кадларни топиш мураккаб ва узоқ жараён. Компаниялар ишончсиз иш изловчиларга дуч келмоқдалар, улар томонидан нотўғри иш тажрибасини кўрсатиш, телефон орқали белгиланган суҳбатларга келмай қолиш ҳолатлари кўп кузатилмоқда.
Муносиб кадрларнинг етишмаслиги ҳар қандай корхонанинг асосий “оғриғи”дир. Жамият, технологиялар, дунёқарашларнинг шиддат билан ривожланишда давом этмоқда. Ҳар қандай бизнес фақат замон билан ҳамнафас бўлгандагина ривожланиши мумкин. Вақт — бу пул. Бизнеслар кенгайгани сари, рақобат ҳам ортиб бормоқда. Катта шаҳарлар тобора ўзларига бўлган жозибадорликни ошириш ҳисобига, асосий инсон капиталини ҳам ўзларига жалб қилмоқда.
Сўнгги йиллардаги бозор таҳлили кекса авлод тадбиркорлик кўникмаларини ривожлантиришда қийналади деган хулосага олиб келади. Капиталистик тузумга ўтиш улар учун жуда қийин. Ёш авлод жуда бошқача, уларнинг таълими жуда зўр даражада эмас, амалий кўникмалар кам ёки умуман йўқ ва амбисиялар, шу жумладан иш ҳақи бўйича кутилмалари жуда юқори.
Хўш,бундан чигал вазиятда компаниялар қандай йўл тутгани маъқул?
Ҳозирги шароитда фақат битта йўл бор — мақсадли равишда ходимларни ривожлантириш билан шуғулланиш. Бу ерда гап нафақат ходимлар учун курслар сотиб олиб бериш, балки комплекс ёндашув ҳақида кетмоқда. Комплекс ёндашув ходимнинг шахсий ривожланишини, унинг малакасини корхона учун зарур бўлган тарзда яхшилашни, қадриятлар тизимини, яъни корхона маданиятини жорий этишни,
HR-брендини яратишни ўз ичига олади.
HR бўлими ходимларни ривожлантириш жараёни билан сифатли шуғулланиши учун, уларнинг кундалик вақтларининг асосий қисмини олувчи иш, яъни ходимларни ишга олиш жараёни - рекрутментни оптималлаштириш талаб эътилади. Бу соҳани автоматлаштириш бир мунча осон ва бозорда аллақачон тайёр ечимлар мавжуд. Булар номзодларни бошқариш тизимлари (Applicant tracking system — АЦ) деб юритилади.
Масалан, ISH.UZ тизими, HH.uz ва бошқа қатор иш излаш сайтлари билан интеграсияни йўлга қўйган. Ўзбекистон бозорида шунга ўхшаш бошқа тизимлар ҳам мавжуд. Улар функциялар тўплами ва интерфейси, аналитик имкониятлари, ўрнатиш формати, интеграсия қилинган иш излаш сайтлари сони, ижтимоий тармоқлар ва мос келадиган мессенжерлар билан ажралиб туради.
ISH.UZ – бу миллий тизим. Бозорда турли хил хорижий ечимлар ҳам мавжуд, аммо Ўзбекистон Республикасининг 02.07.2019 йилдаги “Шахсий маълумотлар тўғрисида”ги ЎРҚ-547- сон Қонунига мувофиқ, ходимлар тўғрисидаги маълумотлар Ўзбекистон ҳудудида сақланиши кераклигини инобатга олсак бу хорижий ечимлар билан ишлаш бирқанча ноқулайликларни келтириб чиқариши мумкин.
МДҲ ҳудудидаги HR-Tech бозори энди ривожланиш босқичида, шунинг учун ишга қабул қилишнинг барча муаммоларига ечим бўла оладиган мукаммал тизим ҳали мавжуд эмас. Хизматлар ўз имкониятларини фаол равишда кенгайтирмоқда, ҳозирда бозорда энг мослашувчан хизматлардан бири ISH.UZ, хизматга йиллик обуна олинган ҳолатда, улар сизнинг тизимларингиз билан деярли ҳар қандай интеграсияни амалга ошириш имкониятига эгалар.
Изоҳ (0)