Фарғона шаҳрида қурилиш ва ободонлаштириш учун ажратилган ер майдонининг ноқонуний сотилишининг олди олинди, деб хабар бермоқда Бош прокуратура ҳузуридаги департамент.
Маълум бўлишича, Ш.Х. ўзига қурилиш ва ободонлаштириш ишларини амалга ошириш мақсадида ажратилган қурилиши тугалланмаган футбол майдони бино-иншоотини олди-сотди қилиш учун Давлат кадастрлари палатасининг вилоят бошқармасига сохта ҳужжатларни тақдим қилиб, қурилиши тугалланмаган бино-иншоотга мулк ҳуқуқини давлат рўйхатидан ўтказишга эришган.
Кейинчалик ушбу қурилиши тугалланмаган ер майдонини фуқаро Х.Я.га сотиш ҳуқуқи йўқлигини билдирмасдан, уни алдаб, ушбу объектнинг бир қисмини 150 минг долларга сотишга келишиб, шундан 105 минг долларини фирибгарлик йўли билан қўлга киритган.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)