Россия пойтахти Москва шаҳрида 22 февраль куни ўзбекистонлик ва тожикистонлик мигрантлар оммавий норозилик ҳаракати уюштирганди. Сенатнинг Одам савдосига ва мажбурий меҳнатга қарши курашиш миллий комиссияси ҳолат юзасидан муносабат билдирди.
Қайд этилишича, ҳолат комиссия томонидан назоратга олинган ва бу борада хориждаги ўзбекистонликларга амалий ёрдам кўрсатилмоқда. Ҳар бир маълумот ва мурожаат белгиланган тартибда тезкорлик билан ўрганиб чиқилади ва тегишли зарур чоралар кўрилиши йўлга қўйилган.
Таъкидланишича, 2022 йилда Ташқи меҳнат миграцияси агентлиги ҳамда элчихоналар ва консуллик идоралари томонидан хорижий иш берувчилардан фуқароларнинг 1 199,7 минг АҚШ доллари миқдорида иш ҳақи ва компенсациялари ундириб берилишида амалий ёрдам кўрсатилган.
Изоҳ (0)