Ўзбекистонда иссиқхоналар, корхоналар, ижтимоий объектларнинг бир қисми газдан кўмирга ўтказилади. Бу ҳақда “2023 йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисида”ги президент қарорида белгиланди.
Ҳужжатга кўра, 2023 йилда 5407 та ижтимоий объект, 1 147 та иссиқхона, 250 та қурилиш материаллари ишлаб чиқарувчи корхона иситиш тизими кўмир ёқилғисига ўтказилади.
Иситиш тизими табиий газдан кўмир ёқилғисига ўтказиладиган ижтимоий объектларнинг 2229 таси болалар боғчаси, 2432 таси халқ таълими объектлари, 746 таси соғлиқни сақлаш муассасаларидир. Уларни иситиш учун қўшимча 184 455 тонна кўмир талаб этилади.
Хусусан, Тошкентда 20 та мактаб иситиш кўмир ёқилғисига ўтказилади: Бектемир туманида 4 та, Мирзо Улуғбекда 2 та, Сергелида 6 та, Янгиҳаётда 5 та ва Яшнободда 3 та мактаб. Бунинг учун қўшимча 600 тонна кўмир талаб этилади.
Ушбу мактабларни кўмирга ўтказишга пойтахт ҳокими ўринбосари Шоҳрух Раҳимжонов, туман ва шаҳар ҳокимликларининг қурилиш масалалари бўйича ўринбосарлари масъул бўлади.
Изоҳ (1)
kun isigsnda komirga otkazilar iloji bosa yozda otkazip qiwda yaqmelar