Испания ва Ўзбекистон ўртасида ташқи меҳнат миграцияси соҳасида ҳамкорлик қилиниши кутилмоқда. Бу ҳақда “Дунё” хабар берди.
Хабарга кўра, Ўзбекистон ва Испания ўртасида ташқи меҳнат миграцияси соҳасидаги икки томонлама ҳамкорлик муносабатларини яна-да ривожлантириш мақсадида 17 февраль куни элчихона ташаббуси билан Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги вакилларининг Испаниядаги ушуб соҳага мутасадди вазирлиги ўртасида онлайн учрашув ташкил этилди.
Учрашувда Испания вакили эътиборига агентлик томонидан хавфсиз, тартибли ва қонуний меҳнат миграциясини ташкил этиш борасида амалга оширилган ишлар тақдимоти ўтказилди. Ўз навбатида, Сантияго Ерга Кобос Ўзбекистонда ташқи меҳнат миграцияси соҳасида амалга оширилган ишларга юқори баҳолаб. Ўзбекистон фуқаролари учун хорижий мамлакатларда хавфсиз ва тартибли меҳнат фаолиятини олиб бориш учун барча имкониятлар яратилгани ривожланаётган давлатларнинг ижобий кўрсаткичларидан бири ҳисобланишини айтди.
Шунингдек, у Испания ва Ўзбекистон ўртасида ташқи меҳнат миграцияси соҳасида ҳамкорлик алоқаларини ўрнатиш учун етарли даражадаги салоҳият мавжудлигини таъкидлади. Ўзбекистонлик меҳнат мигрантларини Испания меҳнат бозорига жалб қилиш учун қишлоқ хўжалиги ва қурилиш соҳаларидаги компанияларни топишда ўз ёрдамини тақдим этишга тайёр эканлигини ҳам маълум қилди.
Сантияго Ерга Кобос икки мамлакат ўртасида ташқи меҳнат миграцияси соҳасида ҳамкорлик алоқаларини ўрнатиш мақсадида ҳуқуқий асосни яратиш лозимлигини таъкидлаган ҳолда ташкилотлар ўртасида англашув меморандумини имзолаш, шунингдек, мамлакатда меҳнат мигрантларини хорижга юборишдан олдин тайёргарлик жараёнлари билан танишиш мақсадида Испания делегациясининг Ўзбекистонга сафарини ташкил этиш таклифини ҳам билдирди.
Изоҳ (0)