Аёллар ҳар бир ишда мукаммалликни хоҳлайди. Чиройли соч турмаклар учун табиий қалин сочлар керак. Аммо орамизда сийрак сочли хонимлар йўқ эмас. Ҳафсала билан қилинган соч турмаги энди 5 дақиқада тушиб кетмаслигининг турли йўллари бор. Қуйида уй шароитида кўп пул сарфламасдан сочларга ҳажм бериш ва тўғри парвариш қилишни ўргатамиз, деб ёзмоқда “Новий очаг” нашри.
Соч узунлигидан тез-тез кесиб туринг
Соч қанчалик узун бўлса, унинг оғирлигидан соч турмаги пастга тушиб кетади. Табиий ҳажмдор кўриниши учун қисқароқ сочларни синаб кўринг.
Кўп қаватли соч услуби
Яъни учлари бир неча қават зинама-зина қилиб кесилган соч учлари бир хил узунликда бўлган сочлардан кўра ҳажман кўпроқ кўринади. Яхши томони, бу услуб барча юз шакллари учун ярашади.
Ёрқинлик қўшинг
Сифатли қилинган “мелирование” ёки рангларнинг бир-бирига уйғунлиги сочларни визуал равишда ҳажмдорлигини оширади.
Сочларни тўғри ювинг
- Бошни юваётганда шампунни соч илдизидан бутун узунлик бўйлаб учигача суриб, яхшилаб ювиш керак. Соч учлари мўрт бўлгани учун қаттиқ ишқалаб ювиш ярамайди.
- Балзамларни доим сочнинг учларига қўллаш керак. Илдизига ишлов берилса, соч турмаклари тушиб кетишига сабаб бўлади, чунки балзам сочни юмшатиш хусусиятига эга.
- Сочларни ҳар куни ювманг. Кундалик соч парвариши учун қуруқ шампундан фойдаланишингиз мумкин.
Соч илдизларига озгина ишлов бериш
Агар уйда соч учун ҳажм берувчи спрей ва локлар тугаган бўлса, жингалак қилиш учун дазмол ёки бошқа воситалар бўлмаса, сочларни намлаб, унинг илдизига заколка қистириб қўйинг. Қуригач олиб ташланса, сочнинг юқори қисми ҳажмдор ва қалин бўлиб қолади.
Соч учун мўлжалланган мусслардан кўп фойдаланманг
Меъёрдан кўп мусс ишлатиш сочни оғирлаштиради. Қисқа сочлар учун ҳажми ёнғоқдек кўпик, ўртача узунликдаги сочга тухумдек ҳамда узун нозик сочлар учун эса теннис коптокчасидек ҳажмдаги мусс етарли бўлади.
“Табиий бетартиб” соч турмаклардан фойдаланинг
Сочни бироз жингалак қилинг. Ҳаддан ташқари силлиқ дазмолланган сочлар ниҳоятда текис кўринади.
Қуруқ шампундан фойдаланинг
Шампун тугаб қолган бўлса, чақалоқлар упаси (талк)дан фойдаланинг. Упани соч илдизларига сепинг. Ёғ ва кирлардан ҳоли бўлган соч ҳажмини сақлаб қолади ва улар энди бир-бирига ёпишиб қолмайди.
Бошни пастга эгиб турган ҳолда соч қуритинг
Аёллар ҳамиша йўл қўядиган хатоларидан биттаси бошни юқоридан қуритади. Агар бошни пастга эгиб соч қуритганда бош айланса, бошни кўтариб тароқ ёрдамида уларни юқорига тараб қуритинг.
Фарқ очишни ўзгартиринг
Сочнинг одатий фарқни бошқачароқ, масалан, марказдан қиялатиб ёки ёнбошдан зигзагсимон қилиб фарқ очинг. Хоҳишга қараб, фарқ очмасангиз ҳам бўлади.
Мавзуга доир:
Изоҳ (0)