Жаҳон соғлиқни сақлаш ташкилоти (ЖССТ) Марбург вирусининг тарихидаги биринчи тарқалишини қайд этди. Бу ҳақда ташкилот сайтида хабар берилди.
Маълум қилинишича, ҳозиргача вирусдан камида 9 киши вафот этган. Касаллик Экваториал Гвинеяда аниқланган, мамлакат расмийлари касаллик тарқалаётганини тасдиқлаган. Ҳаммаси бўлиб касаллик 16 кишида қайд этилган. Беморларда иситма, чарчоқ ва қон қусиш каби характерли аломатлар кузатилган. Вирус одамларга касалликка чалинган одам билан бевосита ёки билвосита алоқа қилиш орқали юқиши мумкин.
“Марбург вируси касаллиги геморрагик иситмани келтириб чиқарадиган ўта хавфли касаллик бўлиб, ундан ўлим даражаси 88 фоизни ташкил қилади. У Эбола вируси касаллигини келтириб чиқарадиган вирус билан бир оилага тегишли. Кўпгина беморларда етти кун ичида оғир геморрагик аломатлар пайдо бўлади. Вирус одамларга кўршапалаклардан юқади ва инфекцияга чалинган одамлар билан алоқа қилиш орқали юқади”, — дейилади ташкилот баёнотида.
Марбург касаллиги тўсатдан бошланади ва тана ҳароратининг кескин кўтарилиши, кучли бош оғриғи билан кечиб, аксар ҳолларда ўлим билан якунланади. Мушак оғриғи хасталикнинг умумий симптомдир. Учинчи куни қорин бўшлиғида оғриқ, кўнгил айниши ва қайт қилиш ривожланиши мумкин.
Изоҳ (1)
Odamlarga virus tarqatgancha ko‘paymaslikni o‘rgatish kerak