Испаниядаги норка фермаларидан бирида H5N1 парранда гриппи аниқланди. Вирус сутемизувчиларда қайд этилган биринчи инфекция бўлиб, одамлар учун жиддий хавф туғдириши мумкин. Бу ҳақда Express хабар берди.
Испаниянинг шимоли-ғарбий қисмида инфекция тарқалиши сабабли 52 мингдан ортиқ норка сўйилган. Ҳайвонлар маҳаллий чайкалар орқали парранда гриппини юқтиргани айтилмоқда. Касалланган ҳайвонлар билан алоқада бўлган ферманинг 11 нафар ходимининг тест натижалари салбий чиққан.
Испан эпидемиологлари ва Жаҳон соғлиқни сақлаш ташкилоти экспертлари H5N1 келажакда одамларга юқиши мумкинлигини илгари сурди. ЖССТ экспертлари янги вирус 1918-1919 йилларда 50 миллиондан ортиқ одам ҳалок бўлган испан гриппидан ҳам хавфлироқ бўлиши мумкинлигини таъкидламоқда.
Аввалроқ Россия ва Қозоғистонда чўчқа гриппи тарқалаётгани ҳақида маълумот берилганди. Касаллик Қирғизистонда ҳам кузатилган.
Изоҳ (0)