9 февраль куни “Вақф” хайрия жамоат фонди энг зарур нарсаларни Туркияга гуманитар ёрдам тўплаш марказига топширди, деб хабар бермоқда Ўзбекистон мусулмонлари идораси.
Маълум қилинишича, 2-3 кун ичида турк халқи учун Тошкент шаҳрида 80 тоннадан ортиқ ёрдам йиғилган.
“Вақф” хайрия жамоат фонди 4 та юк машинага ортилган 30 турдаги 10 мингга яқин уст-бош ва зарур жиҳозларни ҳомийлар кўмагида жамлаб, пойтахтдаги ёрдам йиғиш марказига топширган. Мазкур ёрдам таркибида асосан қишки кийимлар, ётоқ ашёлари ва иситиш мосламалари мавжуд.
Инсонпарварлик юклари ортилган биринчи рейс 10 февраль куни Туркияга учиб кетган.
Эслатиб ўтамиз, 11 февраль куни Ўзбекистондан зилзила сабаб жабр кўрган Туркияга инсонпарварлик ёрдами йиғиш вақтинча тўхтатилди. Бунга келиб тушаётган юкларни саралаш, қадоқлаш ва жўнатишга қўшимча вақт талаб этилаётгани сабаб бўлган.
Изоҳ (0)