“Астерикс ва Обеликс” кинокартинаси намойиш этилганидан кейин бутун дунё бўйлаб томошабинларнинг эътирофига ва бир қанча мукофотларга сазовор бўлди. Шунингдек, кинокартинада рол ижро этган актёр халқаро миқёсда машҳурликка эришди. Яқинда “Астерикс ва Обеликс Цезарга қарши” фильмининг намойиш этилганига 24 йил тўлади. Хўш, кинокартинада роль ижро этган актёрлар йиллар давомида қанчалик ўзгарди?
Жерар Депардье – Обеликс
Жерар Депардье — кинодаги ўзгача актёрларидан бири. Актёрнинг ўзи ҳам кетма-кет барча фильмларда роль ўйнаганини, фильм сифати ва жанрига аҳамият бермаганини айтган. Шунга қарамай, Жерар “Валс”, “Омадсиз”, “Турар жой гувоҳномаси”, “Сўнгги таътил”, “Қочқинлар” каби ажойиб фильмларда ва “Астерикс ва Обеликс” бир нечта қисмли кинокартинасида суратга тушган.
Жерар 2000 йилларнинг бошида “ҳаммасига кетма-кет суратга тушиш” тамойилига амал қила бошлагандек туюлса ҳам, ўша пайтдан бери унинг картиналари сифати сезиларли даражада пасайиб кетган.
Шу билан бирга, Жерар фақатгина кинода ўзгача эмас. У католик динида тарбияланган, кейин исломни қабул қилган, буддистликка ўтган, 2020 йилда эса православ бўлган.
Ҳозирда Депардье ўзининг ғалати гаплари, кўп давлатларда фуқаролиги борлиги, яшаш мамлакатларини ўзгартириши ва текин уйга эга бўлиши мумкин бўлган ҳар қандай давлатни яхши кўришини айтиши билангина танилмоқда. Депардье суратга олиш жараёнларида иштирок этишда давом этаётганига қарамай, кино у учун ўтмишда ёки у кино учун ўтмишда қолди, дейиш мумкин.
Кристиан Клавье – Астерикс
Кристиан Клавье “Астерикс ва Обеликс Цезарга қарши” кинокартинасида Астерикс ролини ўйнади ва “Астерикс ва Обеликс Олимпия ўйинларида” қисмида бу образни унинг ўрнига Хловис Корнилак гавдалантирди.
Клавье кинодаги карерасини бошлашдан олдин лицейда ўқиган, кейин эса сиёсатшунос бўлишга қарор қилган, аммо икки йилдан сўнг ўқишни ташлаб, кафе-театрда биринчи спектаклини саҳналаштирган ва актёрлик фаолиятини бошлаган.
Кристиан “Ўзга сайёраликлар”, “Америкадаги ўзга сайёраликлар”, “Фаришта ва иблис ўртасида” ва “Ақл бовар қилмайдиган тўй” фильмлари, шунингдек, “Бечоралар” ва “Наполеон” телесериаллари орқали танилган.
Жан-Пьер Кастальди — Каюс Бонус
Жан-Пьер Кастальди француз актёри Рене Симон қўлида актёрлик маҳоратини ўрганган. Ўқув машғулотларидан сўнг у ўзининг биринчи ролларини ола бошлади ва 60 йилларнинг охирида дебют қилди, аммо Жан-Пьернинг қаҳрамонлари унчалик катта аҳамиятга эга эмас эди, у ҳар доим ҳам титр рўйхатига киритилмаган. Шу билан бирга, 1970 йилнинг бошларида у “Поезд” ва “Бева Кудер” каби фильмларда суратга тушган.
Касталдьи 1980 йилнинг бошида асосан комедияларда роль ўйнай бошлади, шунингдек, театр саҳнасида фаол чиқишда давом этди. У 2008 йилда “Астерикс Олимпия ўйинларида” фильмидаги Кай Бонус ролини қайта ижро этди ва шундан кейин фильмларда кам кўриниш берди — актёр сўнгги 15 йил ичида бор-йўғи саккизта фильм, телесериал, мини-сериалда ва қисқа метражли кинокартиналарда роль ўйнади.
Роберто Бениньи — Люциус Детритус
Роберто Бениньи болалигини опа-сингиллари ва ота-онаси билан электр ва ҳожатхонасиз, вақтинчалик турар-жойда ўтказган. У ёшлигини қийинчиликда ўтказди: дастлаб семинарияга кирди, кейин ундан қочиб, институтга котиб бўлиб кирди, шундан сўнг у эстрадага киришга ҳаракат қилди ва орадан кўп ўтмай биринчи марта театр саҳнасида чиқди. Бу вақтда Роберто эндигина 19 ёшга кирган эди.
Охир-оқибат, Бениньи ўз ҳаётини актёрлик билан боғлашга қарор қилди ва биринчи йилларда у театр саҳнасига чиқди ва телекўрсатувларда рол ўйнади. Роберто катта экрандаги дебютини 1977 йилда “Берлингуер, мен сени севаман” фильмида ижро этди. У 1986 йилда биринчи марта Голливуд фильмида суратга тушди ва тўрт йилдан сўнг 40-чи Берлин халқаро кинофестивалининг ҳакамлар ҳайъати аъзолари қаторидан жой олди.
Роберто Бениньи “Ҳаёт гўзал” фильмидаги роли билан машҳурликка эришган ва у 2019 йилда “Пиноккио” фильмида бош қаҳрамон Геппеттони гавдалантирди. Бундан 19 йил олдин, 2002 йилда Роберто худди шу номдаги италян фантастик комедиясида Пиноккио ролини ижро этган эди.
Летиция Каста – Фальбала
Летиция Каста 15 ёшида модель бўлди ва шундан кейин L’Oreal Paris, Tommy Hilfiger, Valentino, Givenchy, Chanel, Dolce and Gabbana Louis Vuitton ва бошқа кўплаб компаниялар билан ҳамкорлик қилди. Бундан ташқари, у 100 га яқин турли журналларнинг муқовасида пайдо бўлди ва бир нечта атирларнинг юзига айланди.
У кинодаги дебютини “Астерикс ва Обеликс Цезарга қарши” фильмидаги Фалбала роли билан қилган. У, шунингдек, “Фердинанд Чевалнинг идеал саройи”, “Генсбург”, “Безори муҳаббат”, “Қиз ва бўри”, “Янги тугмалар уруши” фильмлари билан танилган.