Pixar “Учар уй” мультфильмидаги қария ҳақида қисқа метражли мултфильм чиқаради
Pixar компанияси февраль ойида “Учар уй” мультфильмининг қисқа метражли спин-оффини чиқаради. Бу ҳақда киностудияга эгалик қилувчи Disney компанияси хабар бермоқда.
Спин-офф “Учар уй” мультфильмидаги Даг исмли гапирувчи ит ҳақида қисқа метражли сериал таркибига киради. Ҳикояда бева қолган Карл ўзи истамаган ҳолда янги қиз дўсти билан учрашишга рози бўлади, бироқ учрашувда ўзини қандай тутиши кераклигини билмайди. Даг нафақада бўлган қарияни тинчлантиришга ҳаракат қилади ва унга маслаҳат беради.
Мультфильмнинг асл талқинида Карл бахтли ҳаёт кечиради, аммо унинг рафиқаси Элли вафот этгани айтилади. Қария унга берган ваъдасини бажариш учун уйига минглаб шарларни боғлаб, Жанубий Американинг ёввойи табиати қўйнига учиб кетишга қарор қилади. Бироқ, парвоз пайтида у тасодифан саккиз ёшли қўшниси Расселлни ўзи билан олиб кетганини билиб қолади.
