Машҳур фильмлардаги импровизация қилинган бўлса-да, кесиб ташланмаган ажойиб эпизодлар (видео)
Фильм суратга олиш жараёнида ҳаммасини мукаммал қилиш ва ҳатто кетма-кет кўп марта дубль олиш мумкин эмас. Баъзида актёрлар бир хил саҳнани ўнлаб марта такрорлашлари керак! Аммо баъзида ўхшамаган кадр, импровизация, йиқилиш ёки “қўшимча” иборалар фильмда культ классикага айланади. Чунки ўша пайтда улар керакли вақтда ва керакли жойда айтилади.
“Узуклар ҳукмдори: Икки қалъа” ва Вигго Мортенсеннинг синган бармоқлари
Ушбу сериалдаги Вигго Мортенсен бир неча бор қийин вазиятга тушиб қолган. Шундай қилиб, эпизодлардан бирини суратга олиш пайтида актёр оркнинг оғир дубулғасини тепиши керак эди. Вигго уни ҳаддан ташқари қаттиқ тепганки, актёрнинг бармоқлари синади. Албатта, Вигго оғриқдан қичқиради, лекин қаттиқ оғриқларга қарамай, у ўйнашда давом этади! Режиссёр Питер Жексон ушбу эпизод ва Мортенсеннинг жасоратидан шунчалик таъсирланганки, у трилогияга айнан шу кадрни киритади.
“Аждаҳо уйи” ва шафқатсиз шаҳзоданинг хайрли иши
“Аждаҳо уйи” сериалида сценарийда бўлмаган эпизод бор, уни шаҳзода Деймон ролини ижро этган Метт Смит тўғридан тўғри суратга олиш майдончасида ўйлаб топади. Педди Консидин (шаҳзоданинг акаси қирол Висерис ролини ижро этган актёр) мавсумнинг 8-қисмида тахт томон кетаётганда, бошидан тожи тушиб кетади. Аммо актёрни ҳеч ким тўхтатмагани учун у Темир тахт томон қадам ташлашда давом этади. Шу пайт ёнида келаётган Метт Смит тожни кўтариб, Педдининг бошига кийдиради. Улар саҳнани якунлаб, уни сценарийга киритишга қарор қилишади, бу кадр шаҳзода Деймоннинг шахсиятини ва унинг акаси билан ҳақиқий муносабатини тавсифлаб беради.
“Тунги ковбой”: “Ҳой, кўрмаяпсанми, мен келяпман!”
Жо ва Риззони том маънода такси босиб кетай деган ажойиб саҳна сценарийда йўқ эди. Аммо фильм реал шароитда суратга олингани учун ҳаётнинг ўзи эпизодга аралашади. Қаҳрамонлар Нью-Йорк кўчасини кесиб ўтаётганда машина актёрларни босиб кетай дейди. Дастин Хоффман образидан чиқмаган ҳолдан ҳайдовчига: “Кўрмаяпсанми, мен келяпман-ку!” дейди ва кафти билан капотга уради. У ўзини шу қадар табиий тутадики, бу эпизод фильмда қолдирилади.
“Рокки” ва апельсин
“Рокки” фильми кичик бюджетга эга эди, шунинг учун баъзи саҳналар реал шароитда суратга олиниши керак эди. Шундай қилиб, эрталабки югуриш саҳнасида актёр Сильвестр Сталлоне ҳақиқий бозордан югуриб ўтади. Суратга олиш вақтида апелсин сотувчиси актёрга мева бермоқчи бўлиб, Сталлонега апелсин отади — Сильвестр уни ушлаб олади. Саҳна жуда органик бўлиб чиқади ва фильмга киритилади.
“Даутфайр хоним” ва шакарли крем
Бу дубль тасодифан Робин Уильямснинг қаҳрамони тортга юзтубан “йиқилган” пайтда пайдо бўлади. Актёр чақирилмаган меҳмонга бир пиёла чой олиб келганида иягидаги крем пиёла ичига тушади. Албатта, бундай ҳолат сценарийда ёзилмаган, аммо Уильямс ўзини ё;қотиб қўймайди: “Мана, шакарли қаймоқ ҳам келди”. Бу шунчалик кулгили эдики, фильмдаги муваффақиятсиз кадр қолдирилади.
“Лемони Сниккет: 33 бахтсизлик” — Жим Керри “образда”
Жим Керрининг ижроси — алоҳида мавзу. Болаларнинг граф Олаф билан танишишаётган эпизодда Жим Керри: “Оҳ, ниҳоятда ачинарли” дейди. Аммо кейин актёр тўсатдан “Тўхтанг” деб, қарсак чалади ва бу жумлани қайта айтишини эълон қилади. Актёр ҳақиқатан ҳам шу кадрни такрорламоқчи эди. Аммо бу лаҳза вазиятга шунчалик мос тушадики, режиссёр фильмдан ҳеч нарсани кесиб ташламасликка қарор қилади.
