“Asteriks va Obeliks” kinokartinasi namoyish etilganidan keyin butun dunyo bo‘ylab tomoshabinlarning e’tirofiga va bir qancha mukofotlarga sazovor bo‘ldi. Shuningdek, kinokartinada rol ijro etgan aktyor xalqaro miqyosda mashhurlikka erishdi. Yaqinda “Asteriks va Obeliks Sezarga qarshi” filmining namoyish etilganiga 24 yil to‘ladi. Xo‘sh, kinokartinada rol ijro etgan aktyorlar yillar davomida qanchalik o‘zgardi?
Jerar Depardye – Obeliks
Jerar Depardye — kinodagi o‘zgacha aktyorlaridan biri. Aktyorning o‘zi ham ketma-ket barcha filmlarda rol o‘ynaganini, film sifati va janriga ahamiyat bermaganini aytgan. Shunga qaramay, Jerar “Vals”, “Omadsiz”, “Turar joy guvohnomasi”, “So‘nggi ta’til”, “Qochqinlar” kabi ajoyib filmlarda va “Asteriks va Obeliks” bir nechta qismli kinokartinasida suratga tushgan.
Jerar 2000-yillarning boshida “hammasiga ketma-ket suratga tushish” tamoyiliga amal qila boshlagandek tuyulsa ham, o‘sha paytdan beri uning kartinalari sifati sezilarli darajada pasayib ketgan.
Shu bilan birga, Jerar faqatgina kinoda o‘zgacha emas. U katolik dinida tarbiyalangan, keyin islomni qabul qilgan, buddistlikka o‘tgan, 2020-yilda esa pravoslav bo‘lgan.
Hozirda Depardye o‘zining g‘alati gaplari, ko‘p davlatlarda fuqaroligi borligi, yashash mamlakatlarini o‘zgartirishi va tekin uyga ega bo‘lishi mumkin bo‘lgan har qanday davlatni yaxshi ko‘rishini aytishi bilangina tanilmoqda. Depardye suratga olish jarayonlarida ishtirok etishda davom etayotganiga qaramay, kino u uchun o‘tmishda yoki u kino uchun o‘tmishda qoldi, deyish mumkin.
Kristian Klavye – Asteriks
Kristian Klavye “Asteriks va Obeliks Sezarga qarshi” kinokartinasida Asteriks rolini o‘ynadi va “Asteriks va Obeliks Olimpiya o‘yinlarida” qismida bu obrazni uning o‘rniga Xlovis Kornilak gavdalantirdi.
Klavye kinodagi karyerasini boshlashdan oldin litseyda o‘qigan, keyin esa siyosatshunos bo‘lishga qaror qilgan, ammo ikki yildan so‘ng o‘qishni tashlab, kafe-teatrda birinchi spektaklini sahnalashtirgan va aktyorlik faoliyatini boshlagan.
Kristian “O‘zga sayyoraliklar”, “Amerikadagi o‘zga sayyoraliklar”, “Farishta va iblis o‘rtasida” va “Aql bovar qilmaydigan to‘y” filmlari, shuningdek, “Bechoralar” va “Napoleon” teleseriallari orqali tanilgan.
Jan-Pyer Kastaldi — Kayus Bonus
Jan-Pyer Kastaldi fransuz aktyori Rene Simon qo‘lida aktyorlik mahoratini o‘rgangan. O‘quv mashg‘ulotlaridan so‘ng u o‘zining birinchi rollarini ola boshladi va 60-yillarning oxirida debyut qildi, ammo Jan-Pyerning qahramonlari unchalik katta ahamiyatga ega emas edi, u har doim ham titr ro‘yxatiga kiritilmagan. Shu bilan birga, 1970-yilning boshlarida u “Poyezd” va “Beva Kuder” kabi filmlarda suratga tushgan.
Kastaldi 1980-yilning boshida asosan komediyalarda rol o‘ynay boshladi, shuningdek, teatr sahnasida faol chiqishda davom etdi. U 2008-yilda “Asteriks Olimpiya o‘yinlarida” filmidagi Kay Bonus rolini qayta ijro etdi va shundan keyin filmlarda kam ko‘rinish berdi — aktyor so‘nggi 15 yil ichida bor-yo‘g‘i sakkizta film, teleserial, mini-serialda va qisqa metrajli kinokartinalarda rol o‘ynadi.
Roberto Benigni — Lyutsius Detritus
Roberto Benigni bolaligini opa-singillari va ota-onasi bilan elektr va hojatxonasiz, vaqtinchalik turar-joyda o‘tkazgan. U yoshligini qiyinchilikda o‘tkazdi: dastlab seminariyaga kirdi, keyin undan qochib, institutga kotib bo‘lib kirdi, shundan so‘ng u estradaga kirishga harakat qildi va oradan ko‘p o‘tmay birinchi marta teatr sahnasida chiqdi. Bu vaqtda Roberto endigina 19 yoshga kirgan edi.
Oxir-oqibat, Benigni o‘z hayotini aktyorlik bilan bog‘lashga qaror qildi va birinchi yillarda u teatr sahnasiga chiqdi va teleko‘rsatuvlarda rol o‘ynadi. Roberto katta ekrandagi debyutini 1977-yilda “Berlinguer, men seni sevaman” filmida ijro etdi. U 1986-yilda birinchi marta Gollivud filmida suratga tushdi va to‘rt yildan so‘ng 40-chi Berlin xalqaro kinofestivalining hakamlar hay’ati a’zolari qatoridan joy oldi.
Roberto Benigni “Hayot go‘zal” filmidagi roli bilan mashhurlikka erishgan va u 2019-yilda “Pinokkio” filmida bosh qahramon Geppettoni gavdalantirdi. Bundan 19 yil oldin, 2002-yilda Roberto xuddi shu nomdagi italyan fantastik komediyasida Pinokkio rolini ijro etgan edi.
Letitsiya Kasta – Falbala
Letitsiya Kasta 15 yoshida model bo‘ldi va shundan keyin L’Oreal Paris, Tommy Hilfiger, Valentino, Givenchy, Chanel, Dolche and Gabbana, Louis Vuitton va boshqa ko‘plab kompaniyalar bilan hamkorlik qildi. Bundan tashqari, u 100 ga yaqin turli jurnallarning muqovasida paydo bo‘ldi va bir nechta atirlarning yuziga aylandi.
U kinodagi debyutini “Asteriks va Obeliks Sezarga qarshi” filmidagi Falbala roli bilan qilgan. U, shuningdek, “Ferdinand Chevalning ideal saroyi”, “Gensburg”, “Bezori muhabbat”, “Qiz va bo‘ri”, “Yangi tugmalar urushi” filmlari bilan tanilgan.