“Босим ва изоляция”: Исроил қамоқхоналарида фаластинлик маҳбуслар учун рейд ўтказилди
Исроил қамоқхоналар бошқармаси босим ва изоляция қилиш усулларидан фойдаланган ҳолда Исроил қамоқхоналаридаги фаластинлик маҳбуслар учун бўлимларга рейдлар уюштирди. Бу ҳақда Anadolu хабар берди.
Фаластин озодлик ташкилоти (ФОТ) маълумотларига кўра, рейдлар Офер, Мажду ва Негев қамоқхоналарида ўтказилган. Ўнлаб маҳбуслар руҳий босим ўтказиш мақсадида бошқа қамоқхона ёки камераларга, баъзилари бир камерали хонага ўтказилган.
ФОТ Исроил кучлари фаластинликларга қарши провокацион ҳаракатларини кучайтиргани, хавфсизлик кучларининг ҳаракатлари фонида маҳбуслар оғир руҳий стрессни бошдан кечирганини таъкидлади. Фаластин миллий ҳаракатининг Фавқулодда вазиятлар бўйича олий қўмитаси маҳбусларга нисбатан Дамон, Офер, Мажду ва Негев қамоқхоналаридаги қонунбузарликлар жавобсиз қолмаслигига ишонтирди.
Таъкидланишича, Исроил қамоқхоналарида 4 700 га яқин фаластинлик сақланмоқда, улардан 29 нафари аёл ва 150 нафари бола.
Мавзуга доир:
- Исроил кучлари 9 нафар фаластинликни, жумладан, кекса аёлни отиб ўлдирди
- Ғазо сектори Женинда фаластинликларнинг ўлдирилишига жавобан Исроилга учта ракета отди
- Исроил полицияси фаластинлик эркакни фарзанди олдида отиб ташлади
