Россияда ўзбекистонлик эркак бошқарувидаги BMW машинаси “Газел“ билан тўқнашди. Ҳайдовчи ҳалок бўлган (видео)
Россиянинг Санкт-Петербург шаҳрида ўзбекистонлик эркак бошқарувидаги BMW машинаси “Газел” билан тўқнашиб кетди. Бу ҳақда 78.ru хабар берди.
Маълум қилинишича, BMWъни ўзбекистонлик 28 ёшли эркак бошқарган. Воқеа содир бўлган вақтда машина ичида 33 ёшли аёл ҳам бўлган. У турли даражадаги жароҳатлар билан оғир аҳволда шифохонага ётқизилган.
Ўзбекистонлик эркак эса ҳодиса жойида ҳалок бўлган. "Газел" ҳайдовчисининг аҳволи ҳақида ҳеч қандай маълумот берилмаган.
Аввалроқ Россиядаги “Фарғона чойхонаси”да ўзбекистонлик йигит ҳамюртларини пичоқлагани ва улардан бири вафот этгани ҳақида хабар берилган. Шунингдек, Қозоғистоннинг Ақмола вилоятидаги ишламаётган “Бестобе” кони ҳудудида ноқонуний олтин қазиб олувчилар ўзбекистонлик эркакнинг жасадини аниқлагани маълум қилинган.
